ສຳນັກຂ່າວຊິນຮວາຂອງ ສປ ຈີນ, ທ່ານ ຊິນ ກັງ(Qin Gang), ລັດຖະມົນຕີວ່າການກະຊວງການຕ່າງປະເທດ ສປ ຈີນ ແລະ ທ່ານ ດອນ ປຣາມັດວິໄນ (Don Pramudwinai), ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດໄທໄດ້ພົບປະກັນຢູ່ນະຄອນຫລວງປັກກິ່ງເມື່ອບໍ່ດົນມານີ້ ໂດຍທັງສອງຝ່າຍຕົກລົງເຫັນດີຍົກລະດັບການຮ່ວມມືຢ່າງຮອບດ້ານ ແລະ ສືບຕໍ່ຮັກສາການແລກປ່ຽນການນຳລະດັບສູງເພື່ອນຳໄປສູ່ການໄວ້ວາງໃຈທາງການເມືອງເຊິ່ງກັນ ແລະ ກັນ, ຊີ້ີ້ນຳ ການຮ່ວມມືກ້າວໄປຂຶ້ນສູ່ໄລຍະໃໝ່ ແລະ ຊຸກຍູ້ຜົນສຳເລັດໃໝ່ໃນການແລກປ່ຽນ ລະຫວ່າງປະຊາຊົນທັງສອງປະເທດ.
ນອກນີ້ຍັງສົ່ງເສີມແຜນລິເລີ່ມການພັດທະນາ ແລະ ຄວາມໝັ້ນຄົງລະດັບໂລກດຳເນີນການຕາມມະຕິສຳຄັນຂອງກອງປະຊຸມສຸດຍອດຈີນ-ອາຊຽນ ສະໄໝສາມັນ ເນື່ອງໃນໂອກາດຄົບຮອບ 30 ປີ ແຫ່ງການພົວພັນຄູ່ເຈລະຈາ ຈີນ-ອາຊຽນ ແລະ ສ້າງຄວາມຄືບໜ້າໃໝ່ໃນການຮ່ວມມືຫລາຍຝ່າຍຢ່າງເຂັ້ມແຂງ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
