ຕາມຂ່າວຈາກ ເຈນີວາ, ອົງການອະນາໄມໂລກ (WHO) ເປີດເຜີຍວ່າ: ຄະນະກຳມະການເຫດສຸກເສີນ ຂອງອົງການອະນາໄມໂລກ ໄດ້ຕົກລົງເຫັນດີໃຫ້ພະຍາດໝາກສຸກລີງ (Monkey pox) ຄວນເປັນເຫດສຸກເສີນດ້ານສາທາລະນະສຸກໂລກ ຕໍ່ໄປ(PHEIC) ນັບຕັ້ງແຕ່ພະຍາດໝາກສຸກລີງ ກາຍເປັນພະຍາດປະຈຳທ້ອງຖິ່ນ ໃນອາຟຣິກາຕາເວັນຕົກ ຊຶ່ງໄດ້ແພ່ອອກໄປເຂດນອກພາກພື້ນຕັ້ງແຕ່ 6 ເດືອນກ່ອນເຮັດໃຫ້ມີຜູ້ເສຍຊີວິດ 36 ຄົນ ຈາກຜູ້ຕິດເຊື້ອຫລາຍກວ່າ 77.000 ຄົນ ໃນ109 ປະເທດ ສ່ວນໃຫຍ່ ເປັນຜູ້ຊາຍ ທີ່ມີເພດສຳພັນກັບຜູ້ຊາຍ ໂດຍຍອດຜູ້ຕິດເຊື້ອນີ້ເພີິ່ມຂຶ້ນສູງສຸດໃນເດືອນ ກໍລະກົດ ຈາກນັ້ນກໍເລີ່ມຫລຸດລົງຢ່າງຕໍ່ເນື່ອງ.
(ບັນນາທິການຂ່າວຕ່າງປະເທດ, ຮຽບຮຽງຂ່າວໂດຍ: ສະໄຫວ ລາດປາກດີ)
