ຂ່າວສານຊີອາໄອລາຍງານ ເມື່ອບໍ່ດົນມານີ້, ອົງການດ່ານພາສີຄຸນໝິງ ແຂວງຢຸນນານຂອງ ສປ ຈີນ ໃຫ້ຮູ້ວ່າ: ນັບແຕ່ເດືອນມັງກອນ ຫາ ເດືອນສິງຫາປີນີ້, ມູນຄ່າການຄ້າຂາເຂົ້າ-ຂາອອກຂອງແຂວງຢຸນນານ ສປ ຈີນ ໄດ້ມີເຖິງ 233,37 ຕື້ຢວນ ເພີ່ມຂຶ້ນ 17% ເມື່ອທຽບໃສ່ໄລຍະດຽວກັນຂອງປີ 2021 ທີ່ຜ່ານມາ. ໃນນັ້ນ, ມູນຄ່າການສົ່ງອອກໄດ້ມີເຖິງ 119,06 ຕື້ຢວນ ເພີ່ມຂຶ້ນ 12,3%; ມູນຄ່າການນຳເຂົ້າໄດ້ມີເຖິງ 114,31 ຕື້ຢວນ ເພີ່ມຂຶ້ນ 22,3%.
ນັບແຕ່ເດືອນມັງກອນຫາເດືອນສິງຫາປີນີ້, ອາຊຽນຍັງແມ່ນຄູ່ການຄ້າທີ່ໃຫຍ່ທີ່ສຸດຂອງແຂວງຢຸນນານຄືເກົ່າ ຊຶ່ງມູນຄ່າການສົ່ງອອກ ແລະ ນຳເຂົ້າຂອງແຂວງຢຸນນານຕໍ່ກັບອາຊຽນໄດ້ມີເຖິງ 86,4 ຕື້ຢວນ ເພີ່ມຂຶ້ນ 4,9% ກວມຍອດມູນຄ່າການຄ້າຂາເຂົ້າ-ຂາອອກຂອງແຂວງຢຸນນານ ໃນໄລຍະດຽວກັນ 37%. ໃນນັ້ນ, ການສົ່ງອອກ ແລະ ນຳເຂົ້າຂອງແຂວງຢຸນນານ ຕໍ່ອາຊຽນໄດ້ມີການເພີ່ມຂຶ້ນ, ການສົ່ງອອກຜະລິດຕະພັນທີ່ໃຊ້ແຮງງານຫຼາຍ ແລະ ຜະລິດຕະພັນວັດທະນະທຳໄດ້ເພີ່ມຂຶ້ນຢ່າງຫຼວງຫຼາຍ.
