ສີ່ງທີ່ບໍ່ຄວນເຮັດກ່ອນນອນຖ້າທ່ານຍັງຮັກຕົວເອງເຊື່ອວ່າຫຼາຍຄົນຍັງມີພຶດຕິກໍາຄືກັນກັບພວກເຮົາກຳລັງຈະເວົ້າ ແລະ ສຳລັບຜູ້ທີ່ຍັງແຂງແຮງ ຫຼື ຕອນຍັງນ້ອຍບາງຄັ້ງຮ່າງກາຍອາດຈະບໍ່ສົ່ງຜົນໃຫ້ເຫັນຜົນເສຍຫຼາຍ ສ່ວນຜູ້ເຖົ້າຜູ້ແກ່ອາດຈະເຮັດໃຫ້ອາຍຸສັ້ນລົງ ແລະ ເພື່ອສຸຂະພາບຮ່າງກາຍທີ່ດີຄວນຢຸດເຮັດທຸກຢ່າງ 7 ສີ່ງນີ້ມາຕິດຕາມນໍາກັນເລີຍວ່າມີຫັຍງແດ່?
- ຫຼີ້ນໂທລະສັບມືຖືກ່ອນເຂົ້ານອນ
ປະຈຸບັນນີ້ມີຫຼາຍຄົນ ແລະ ເກືອບຫຼີກລ່ຽງບໍ່ໄດ້ເລີຍ ສ່ວນຫຼາຍຄົນມັກຈັບໂທລະສັບມືຖືມາເລື່ອນອ່ານໜັງສືກ່ອນນອນສະເໝີ ເຊີ່ງຂັ້ນຕອນນີ້ແມ່ນພຶດຕິກຳທີ່ເຮັດໃຫ້ຮ່າງກາຍ ແລະ ສະໝອງຕື່ນຕົວ ເຮັດໃຫ້ນອນບໍ່ຫຼັບ ບາງຄົນເມື່ອຍແຕ່ຍັງຢາກຫຼີ້ນໂທລະສັບມືຖືຫຼັງຈາກນັ້ນກໍ່ນອນຫຼັບໄປເອງສາເຫດນີ້ຈະເຮັດໃຫ້ແສງຕາຫຼຸດລົງໃນທຸກໆ ມື້ບາງຄົນຫຼີ້ນຈົນຮອດເດີກແຕ່ຕາກໍ່ຍັງສົດໃສ.
- ການອາບນໍ້າເຢັນກ່ອນນອນ
ແນ່ນອນວ່າຄວນອາບນໍ້າໃນຕອນແລງເພາະເປັນການລ້າງຮ່າງກາຍໃຫ້ສະອາດ ແລະ ຄວນອາບນໍ້າກ່ອນ 9 ໂມງແລງ ແລະ ຖ້າອາບນໍ້າຫຼັງຈາກນັ້ນຄວນອາບນໍ້າອຸ່ນເພາະຮ່າງກາຍຈະເລີ່ມອຸ່ນ ພ້ອມດຽວກັນຮ່າງກາຍກໍ່ຈະເລີ່ມການພັກຜ່ອນ.
- ກິນອາຫານຄໍ່າເປັນບຸບເຟ້ ຫຼື ກິນເຂົ້າແລງເດີກໆ
ໃນຕອນກາງຄືນຮ່າງກາຍບໍ່ຈຳເປັນຕ້ອງໃຊ້ພະລັງງານຫຼາຍ ບໍ່ມີຄວາມຈຳເປັນຕ້ອງກິນຫຼາຍກໍ່ໄດ້ຄົນຈຳນວນຫຼາຍທີ່ມັກອາຫານແບບບຸບເຟ້ຕອນແລງຈະເຮັດໃຫ້ຮ່າງກາຍຍ່ອຍຍາກ ແລະ ລະບົບພາຍໃນເຮັດວຽກໜັກ ແຕ່ການເຜົາຜານໄຂມັນກັບໜ້ອຍລົງ ເຊີ່ງມັນຈະເກີດການສະສົມໄຂມັນ ສົ່ງຜົນໃຫ້ສ່ຽງເປັນພະຍາດໄດ້ງ່າຍ.
- ນອນໃຫ້ທັນເວລາ
ການນອນບໍ່ພຽງແຕ່ນອນໃຫ້ຄົບ 6-8 ຊົ່ວໂມງພຽງເທົ່ານັ້ນ ເຖີງຢ່າງໃດກໍ່ຕາມການນອນຫຼັບທີ່ດີຍັງຄວນນອນໃຫ້ຖືກເວລາຄືກັບວ່າເວລາໃດທີ່ທ່ານນອນກໍ່ໃຫ້ນອນເວລານັ້ນຕະ ຫຼອດເພາະຮ່າງກາຍຈະມີການຈື່ຈໍາ ແລະ ກໍ່ຈະຮູ້ເວລາຕື່ນ ຖ້າຫາກນອນເດີກໃຫ້ປ່ຽນໄປນອນໃນຕອນເຊົ້າ ຫຼື ປ່ຽນໄປນອນໄວສະຫຼັບກັນໄປ ຮ່າງກາຍມີຄວາມຜິດປົກກະຕິ ແລະ ສາມາດສົ່ງຜົນບໍ່ດີໃນໄລຍະຍາວ ນອກຈາກນັ້ນຄົນທີ່ມີອາຍຸ 30 ປີຂື້ນໄປຄວນຈັດສັນການນອນໃຫ້ດີ.
- ດື່ມນໍ້າຫຼາຍ ຫຼື ໜ້ອຍເກີນໄປ
ການດື່ມນໍ້າເປັນສີ່ງທີ່ຂາດບໍ່ໄດ້ ແລະ ຮ່າງກາຍກໍ່ຂາດນໍ້າບໍ່ໄດ້ຕະຫຼອດເວລາເຊັ່ນກັນ ໃນ 24 ຊົ່ວໂມງຄວນດື່ມນໍ້າໃຫ້ໄດ້ 8 ຈອກ ຫຼື ຈິບໆ ໃນຕອນກາງເວັນກໍ່ໄດ້ ເຖີງຢ່າງໃດກໍ່ຕາມກ່ອນເຂົ້ານອນບໍ່ຄວນດື່ມນໍ້າຫຼາຍເກີນໄປ ເພາະມັນອາດຈະເຮັດໃຫ້ຕື່ນໃນເວລາທ່ຽງຄືນ ຄວນດື່ມກ່ອນເຂົ້ານອນ 1 ຊົ່ວໂມງ ຫຼັງຈາກຕື່ນນອນຄວນດື່ມນໍ້າທັນທີ 1 ຈອກຈະຊ່ວຍໃຫ້ລະບົບຂັບຖ່າຍເຮັດວຽກໄດ້ປົກກະຕິ.
- ນອນຕອນເວັນ
ບາງຄົນເວົ້າວ່າການນອນຕອນເວັນແມ່ນການສ້າງຄວາມຮູ້ສຶກໃຫ້ສົດໃສ ແນ່ນອນວ່າພວກເຮົາສາມາດນອນໄດ້ ແລະ ບໍ່ຄວນນອນເກີນ 20 ນາທີ/ມື້ ເຖີງແມ່ນວ່າຈະນອນໄປເຖີງ 2-3 ຊົ່ວໂມງກໍ່ຕາມ ຈະສົ່ງຜົນໃຫ້ເກີດອາການເຈັບຫົວ ວິນຫົວ ອິດເມື່ອຍ ແລະ ຕົກໃນຕອນກາງຄືນເຮັດໃຫ້ນອນບໍ່ຫຼັບເຊັ່ນດຽວກັນ.
- ເອົາວຽກກັບບ້ານ
ຜູ້ໃດທີ່ມັກແບກຫາບເອົາວຽກມາເຮັດຢູ່ເຮືອນ ທ່ານຮູ້ບໍ່ວ່າບໍ່ໄດ້ສະແດງໃຫ້ເຫັນວ່າທ່ານເປັນຄົນເຮັດວຽກໜັກ ຫຼື ດຸໝັ່ນແຕ່ຢ່າງໃດເລີຍ ແຕ່ກົງກັນຂ້າມພັດສະແດງໃຫ້ເຫັນວ່າຄວາມຮັບຜິດຊອບຂອງທ່ານຕໍ່າຫຼາຍ ເນື່ອງຈາກວ່າທ່ານບໍ່ສາມາດເຮັດສໍາເລັດໃນບ່ອນເຮັດວຽກໄດ້ ການເອົາວຽກມາເຮັດຢູ່ເຮືອນແມ່ນເວລາທີ່ດືງດູດຄວາມຜ່ອນຄາຍ ແລະ ເວລາສ່ວນຕົວຂອງທ່ານໄປ ຄົນທີ່ເຮັດວຽກເດີກຍີ່ງມີຄວາມອິດເມື່ອຍຫຼາຍໃນຕອນເຊົ້າເພາະຕ້ອງໄປເຮັດວຽກ ອາການເຫຼົ່ານີ້ຈະຄ້າຍຄືກັບຜີດິບລວມທັງຄວາມຕຶງຄຽດຫຼາຍຄັ້ງ.
ສີ່ງທີ່ພວກເຮົາໄດ້ແນະນຳມານີ້ແມ່ນສີ່ງທີ່ບໍ່ຄວນເຮັດ ຜູ້ໃດທີ່ກໍາລັງປະຕິບັດຢູ່ຄວນຢຸດ ແລະ ປ່ຽນແປງພຶດຕິກຳ ເນື່ອງຈາກວ່າມັນຈະສົ່ງຜົນໃຫ້ຮ່າງກາຍອ່ອນເພຍລົງທຸກໆ ມື້ ຜູ້ສູງອາຍຸຍີ່ງຕ້ອງໄດ້ເອົາໃຈໃສ່ຕໍ່ສຸຂະພາບເພາະວ່າຮ່າງກາຍຂອງພວກເຮົານັ້ນເສື່ອມສະມັດຖະພາບໄດ້ງ່າຍຫຼາຍ.
