ໃນວັນທີ 14 ກັນຍາ 2022 ນີ້, ຄະນະຮັບຜິດຊອບຊີ້ນໍາວຽກງານພັກ-ວຽກງານການເມືອງຝຶກຊ້ອມກອບກູ້ໄພພິບັດ 3 ກອງທັບ ກໍາປູເຈຍ, ລາວ, ຫວຽດນາມ ໄດ້ນໍາເອົາເຄື່ອງອຸປະກອນກິລາມາມອບ ໃຫ້ຫ້ອງການເມືອງວິທະຍາຄານພະລາທິການກອງ ທັບ ຕາງໜ້າມອບໂດຍ ສະຫາຍ ພັນເອກ ເຂັມພອນ ແກ້ວວິໄຊ ຮອງຫົວໜ້າຫ້ອງການກົມໃຫຍ່ການເມືອງກອງທັບ, ຮອງຫົວໜ້າຄະນະຮັບຜິດຊອບຊີ້ນໍາວຽກງານພັກ-ວຽກງານການເມືອງ ບັ້ນຝຶກຊ້ອມກອບກູ ໄພພິບັດ 3 ກອງທັບ ແລະ ກ່າວຮັບໂດຍສະຫາຍພັນໂທ ອ້ອຍອາມິດ ສໍມີໄຊ ຮອງຫົວໜ້າຫ້ອງຫານເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ວິທະຍາຄານພະລາທິການກອງທັບ ພ້ອມດ້ວຍຄະນະທັງສອງພາກສ່ວນເຂົ້າຮ່ວມ. ອຸປະກອນກິລາທີ່ນໍາມາມອບໃນຄັ້ງນີ້ປະກອບມີ: ເປຕັງ 4 ຊຸດ, ບານສົ່ງ 2 ໜ່ວຍແລະ ຕາໜ່າງບານສົ່ງ 1 ດາງ ລວມມູນຄ່າທັງໝົດ 5 ລ້ານກີບ. ໃນໂອກາດດຽວກັນນີ້ ສະຫາຍ ພັນໂທ ອ້ອຍອາມິດ ສໍມີໄຊ ໄດ້ສະເເດງຄວາມຂອບໃຈຄະນະຮັບຜິດຊອບຊີ້ນໍາວຽກງານພັກ-ວຽກງານການເມືອງ ບັ້ນຝຶກຊ້ອມກອບກູ ໄພພິບັດ 3 ກອງທັບ ທີ່ນຳເອົາອຸປະກອນກິລາມາມອບໃຫ້ຫ້ອງຫານເມືອງວິທະຍາຄານພະລາທິການກອງທັບໃນຄັ້ງນີ້ ເຊິ່ງເປັນການປະກອບສ່ວນອັນສໍາຄັນເຂົ້າໃນການກະຕຸກຊຸກຍູ້ຂະບວນການກິລາ, ກິດຈະກໍາຕ່າງໆ ຂອງອົງການຈັດຕັ້ງມະຫາຊົນຢູ່ວິທະຍາຄານພະລາທິການກອງທັບໃຫ້ເປັນຂະບວນການຟົດຟື້ນ.
ຂ່າວ: ລຸນທອງ
