ໃນວັນທີ 14 ກັນຍາ 2022, ທ່ານ ສະຫວັນຄອນລາຊະມຸນຕີ ປະທານສະມາຄົມນັກຂ່າວແຫ່ງ ສປປລາວພ້ອມຄະນະໄດ້ເຂົ້າຢ້ຽມຂຳ່ນັບທ່ານ ຄຳພັນ ອັ່ນລາວັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງສປປ ລາວ ປະຈຳບາງກອນ ປະເທດໄທ ເນື່ອງໃນໂອກາດມາເຄື່ອນໄຫວວຽກງານ ດ້ານສື່ມວນຊົນ ໃນລະຫວ່າງວັນທີ 13 ຫາ 17 ກັນຍາ 2022 ທີ່ບາງກອກ ປະເທດໄທ.
ໃນໂອກາດດັ່ງກ່າວ, ທ່ານ ເອກອັກຄະລັດຖະທູດ ໄດ້ສະແດງຄວາມຊົມເຊີຍ ຕໍ່ຄະນະຜູ້ແທນສະມາຄົມນັກຂ່າວແຫ່ງສປປ ລາວ ທີ່ໄດ້ມາເຄື່ອນໄຫວວຽກງານດັ່ງກ່າວ ຊື່ງເປັນການປະກອບສ່ວນອັນສຳຄັນ ເຂົ້າໃນການເພີ່ມທະວີຮັດແໜ້ນຄວາມສຳພັນລະຫວ່າງສອງຊາດລາວ-ໄທ ເວົ້າລວມ ເວົ້າສະເພາະກໍແມ່ນສອງສະມາຄົມນັກຂ່າວລາວແລະ ໄທ ໃຫ້ແໜ້ນແຟ້ນ ແລະ ມີການພັດທະນາດີຂື້ນເລື້ອຍໆ.
ພ້ອມດຽວກັນນີ້ ທ່ານ ປະທານສະມາຄົມນັກຂ່າວແຫ່ງສປປ ລາວ ກໍໄດ້ສະແດງຄວາມຂອບໃຈ ຕໍ່ທ່ານເອກອັກຄະລັດຖະທູດ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້ພ້ອມທັງໄດ້ລາຍງານແຜນການ ມາເຄື່ອນໄຫວໃນຄັ້ງນີ້ໃຫ້ທ່ານທູດຮັບຊາບຕື່ມອີກ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
