ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມບໍ່ເປັນທາງການຂອງ ລັດຖະມົນຕີ ການເງິນ ແລະ ຜູ້ວ່າການທະນາຄານ ສູນກາງ ບັນດາປະເທດ ສະມາຊິກ ສະຫະພາບ ເອີຣົບ (ອີຢູ) ໄດ້ສິ້ນສຸດລົງພາຍຫຼັງທີ່ໄດ້ເຮັດວຽກມາເປັນເວລາ 3 ວັນ ຢູ່ ສ.ເຊັກໂກ, ໃນລະຫວ່າງວັນທີ 8 – 10 ກັນຍາ ຜ່ານມາ. ໃນຖະແຫຼງການພາຍຫຼັງກອງປະຊຸມ, ທ່ານ ວາລດິສ ດອມບອບສກີ ຮອງປະທານຄະນະກຳມະການເອີຣົບ (EC) ໃຫ້ຮູ້ວ່າ: ອີຢູ ຕ້ອງມີນະໂຍບາຍປີການເງິນ ຢ່າງລະມັດລະວັງ ແລະ ການຈຳ ກັດໄພເງິນເຟີ້.
ຂ່າວລະບຸວ່າ: ກ່າວຄຳເຫັນທີ່ການຖະແຫຼງຂ່າວ, ທ່ານ ວາລດິສ ດອມບອບສກີ ເນັ້ນໜັກວ່າ: ໃນໄລຍະຈະມາເຖິງ, ອີຢູ ຄວນມີນະໂຍບາຍປີການເງິນຢ່າງລະມັດລະວັງ, ການຈຳກັດໄພເງິນເຟີ້ ພ້ອມກັນນັ້ນຕ້ອງຊ່ວຍເຫຼືອປະຊາຊົນ ແລະ ວິສາຫະກິດທີ່ຖືກຜົນກະທົບຈາກສະພາບການວິກິດການ. ທຸກພື້ນຖານເສດຖະກິດເອີຣົບລ້ວນແຕ່ພວມຜ່ານຜ່າໄລຍະທີ່ເຕັມໄປດ້ວຍສິ່ງທ້າທາຍ ຍ້ອນໄພເງິນເຟີ້ເພີ່ມຂຶ້ນສູງບັນລຸລະດັບສະຖິຕິ ຫຼື ບັນດາບັນຫາກ່ຽວກັບແຫຼ່ງສະໜອງພະລັງງານ. ດັ່ງນັ້ນ, ຄວນໃຫ້ບຸລິມະສິດ ລັກສະນະຍືນຍົງໃນນະໂຍບາຍປີການເງິນ ແລະ ໜ້າທີ່ຕ່າງໆຂອງທະນາຄານສູນກາງ ເອີຣົບ (ECB) ຕ້ອງປະຕິ ບັດຕາມ ແລະ ໄພເງິນເຟີ້ຕ້ອງໄດ້ຮັບການຄວບຄຸມ.
Medialaos MMD (ແຫຼ່ງຂໍ້ມູນຈາກ: ໜັງສືມພິມ ປະຊາຊົນ)
