ກອງປະຊຸມເອກະພາບເນື້ອໃນແຜນການບັນຊາການຝຶກຊ້ອມກອບກູ້ໄພພິບັດທາງທໍາມະຊາດ ເພື່ອຊ່ວຍເຫຼືອດ້ານມະນຸດສະທຳ ຂອງຄະນະຮັບຜິດຊອບບັນຊາການຫັດແອບ, ຝຶກຊ້ອມພາກສະໜາມ 3 ກອງທັບ ( ກຳປູເຈຍ, ລາວ, ຫວຽດນາມ ) ຈັດຂຶ້ນໃນວັນທີ 9 ກັນຍາ ຜ່ານມານີ້, ຢູ່ທີ່ວິທະຍາຄານພະລາທິການກອງທັບ, ໂດຍການເຂົ້າຮ່ວມຂອງພົນຈັດຕະວາ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ, ຮອງຫົວໜ້າຄະນະຊີ້ນຳການຝຶກຊ້ອມຮ່ວມ 3 ກອງທັບ, ມີພົນຕີ ແປນ ໂສກຮິດວິເຢຍ ຫົວໜ້າຫ້ອງການເສນາ ກອງທັບຣາຊະອານາຈັກກຳປູເຈຍ, ມີພັນເອກພິເສດ ຟ້າມວັນຍຸ້ງ ຮອງຫົວໜ້າເສນາທິການທະຫານເຂດ 4 ກອງທັບປະຊາຊົນຫວຽດນາມ ພ້ອມດ້ວຍຄະນະທັງ 3 ກອງທັບເຂົ້າຮ່ວມ.
ໃນກອງປະຊຸມຄະນະຮັບຜິດຊອບບັນຊາ ການຫັດເເອບ, ຝຶກຊ້ອມພາກສະໜາມທັງ 3 ກອງທັບ ລາວ,ຫວຽດນາມ,ກໍາປູເຈຍ ໄດ້ຕົກລົງເຫັນດີເປັນເອກະພາບຮ່ວມກັນກ່ຽວກັບຂັ້ນຕອນວິທີການຄວບຄຸມ, ຈັດຕັ້ງປະຕິບັດເນື້ອໃນການບັນຊາແຕ່ລະບາດກ້າວ, ເອກະພາບວຽກງານຖ່າຍທຳ, ບັນທຶກວິດີໂອ ແລະ ເອກະພາບການຈັດຕັ້ງປະຕິບັດມາດຕະການປ້ອງກັນໂຄວິດ-19 ທັງນີ້ກໍ່ເພື່ອຮັບປະກັນ ໃຫ້ການຫັດແອບ, ຝຶກຊ້ອມກອບກູ້ໄພພິບັດ ເພື່ອຊ່ວຍເຫຼືອດ້ານມະນຸດສະທຳທາງນ້ຳ ແລະ ທາງບົກ ລະຫວ່າງ 3 ກອງທັບ ລາວ,ຫວຽດນາມແລະກໍາປູເຈຍ ມີຜົນສໍາເລັດຢ່າງຈົບງາມ.
