ເມື່ອບໍ່ດົນຜ່ານມາ, ທ່ານ ໄຊຊະນະ ໄຊໂກສີ ຜູ້ປະກອບການໂຮງຮຽນອະນຸບານ-ປະຖົມສົມບູນພຸດທະພອນ ມອບອຸປະກອນການສຶກສາ ແລະ ກິລາໃຫ້ໂຮງຮຽນປະຖົມສົມບູນ ແລະ ໂຮງຮຽນອະນຸບານບ້ານວັງໄຮ ເມືອງອາດສະພອນ ແຂວງສະຫວັນນະເຂດ. ໃຫ້ກຽດຮັບໂດຍ ທ່ານ ຂັນທອງ ໄຂວົງສຸກ ຜູ້ອໍານວຍການໂຮງຮຽນປະຖົມສຶກສາສົມບູນບ້ານວັງໄຮ, ມີນາຍບ້ານ, ຄະນະພັດທະນາການສຶກສາຂັ້ນບ້ານເຂົ້າຮ່ວມ.
ອຸປະກອນການສຶກສາທີ່ມອບໃນຄັ້ງນີ້, ປະກອບມີ ບັດຄໍາ, ໄມ້ບັນທັດຄະນິດສາດ, ປຶ້ມແບບຮຽນ ປ.3, ປ.4, ປ.5, ສໍຂາວ, ສໍສີ, ບານສົ່ງ 1 ໜ່ວຍ ພ້ອມດ້ວຍຕາໜ່າງ 1 ດາງ, ລວມມູນຄ່າ 3 ລ້ານ 5 ແສນກີບ. ເພື່ອຊູກຍຸ້ ແລະ ສົ່ງເສີມການສຶກສາໃນໂຮງຮຽນປະຖົມ ແລະ ໂຮງຮຽນອະນຸບານຢູ່ບ້ານວັງໄຮ ໃຫ້ມີຄຸນນະພາບດີຂຶ້ນໄປເທື່ອລະກ້າວ.
Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)
