ຕາມຂ່າວຈາກ ຊິນຮວາ, ວັນທີ25 ສິງຫານີ້, ອົງການ ນາຊາ (NASA) ເປີດເຜີຍວ່າ: ການທົດລອງ ການປ່ຽນເສັ້ນທາງ ດາວເຄາະນ້ອຍຄູ່(DART) ຂອງອົງການ ຊຶ່ງເປັນພາລະກິດທົດລອງເຕັກໂນໂລຊີ ເພື່ອປ້ອງກັນໂລກຈາກອັດຕະລາຍຈາກດາວເຄາະນ້ອຍ ຫລື ດາວຫາງຄັ້ງທຳອິດຂອງໂລກ ຈະເຄື່ອນໂຕຕຳດາວເຄາະນ້ອຍເປົ້າໝາຍ ວັນທີ 26 ກັນຍາປີນີ້.
ການທົດລອງຂ້າງຕົ້ນຈະຊີ້ໃຫ້ເຫັນວ່າຍານອາວະກາດ ສາມາດມຸ່ງໜ້າໄປດາວເຄາະນ້ອຍເປົ້າໝາຍໂດຍອັດຕະໂນມັດ ແລະ ຕຳໃສ່ກັບດາວເຄາະນ້ອຍ ເພື່ອປ່ຽນທິດທາງການເຄື່ອນທີ່ຂອງມັນ ໃນລັກສະນະກວດວັກໄດ້ ໂດຍໃຊ້ກ້ອງໂທລະທັດ (telescopes) ພາກພື້ນດິນ.
(ພາກຂ່າວ: ຕ່າງປະເທດ)
