ຕາມຂ່າວຈາກ ບລູມເບີຣກ (Bloomberg) ວັນທີ25 ສິງຫານີ້ ຣັດເຊຍ ໄດ້ສະເໜີຕໍ່ຫລາຍປະເທດ ໃນອາຊີ ເພື່ອເຮັດສັນຍາ ໄລຍະຍາວໃນການຂາຍນ້ຳມັນ ໃນລາຄາຕ່ຳກວ່າ ລາຄາຕະຫລາດເຖິງ 30% ເປັນຕົ້ນສະເໜີຂາຍນ້ຳມັນ ໃຫ້ປະເທດອິນໂດເນເຊຍ ແລະ ປະເທດອື່ນໆ ທີ່ມີເງື່ອນໄຂ ແລະ ຂໍ້ສະດວກໃນການເຮັດຂໍ້ຕົກລົງດັ່ງກ່າວ.
ຂະນະທີ່ລາຄານ້ຳມັນດິບລ່ວງໜ້າ ເວສເທັກຊັສ (West Texas) ປັບຕົວຂຶ້ນ 1,15 ໂດລາສະຫະລັດ ແລະ ປິດທີ່ 94,89 ໂດລາສະຫະລັດຕໍ່ຖັງ ຫລັງຈາກ ສ.ອາເມລິກາ ເປີດເຜີຍສາງເກັບນ້ຳມັນຫລຸດລົງຫລາຍກວ່າຄາດການໄວ້ໃນອາທິດຜ່ານມາ. ນອກນີ້ລາຄານ້ຳມັນຍັງໄດ້ແຮງໜູນຈາກອາຣັບບີຊາອຸດິດສົ່ງສັນຍານ ປັບຫລຸດກຳລັງການຜະລິດນ້ຳມັນ ເພື່ອສະໜັບ ສະໜູນລາຄາໃນຕະຫລາດ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
