ເຊື້ອພະຍາດໂຄວິດ-19 ຈະດີຂື້ນຕາມລຳດັບ ແຕ່ຕ້ອງລະວັງ ຢ່າປະມາດ ແລະ ປ້ອງກັນ ເພາະເຊື້ອພະຍາດອາດຈະຍັງລີ້ຢູ່ຕາມສະຖານທີ່ຕ່າງໆ ທີ່ເຮົາອາດຈະຄິດບໍ່ເຖີງ ແລະ ເຮົາສຳຜັດຈັບບາຍຢູ່ເລື້ອຍໆ ວິທີປ້ອງກັນທີ່ດີທີ່ສຸດ ຄື: ຫຼີກລ້ຽງການສຳຜັດສີ່ງເຫຼົ່ານັ້ນ ແຕ່ຖ້າຫຼີກບໍ່ໄດ້ໃຫ້ຮີບຮ້ອນເຮັດຄວາມສະອາດຮ່າງກາຍ ຫຼັງຈາກທີ່ໄດ້ສຳຜັດທັນທີ ມື້ນີ້ເຮົາມາເບີ່ງນຳກັນ 10 ຈຸດ ທີ່ອາດຈະສະສົມເຊື້ອພະຍາດໂຄວິດ-19 ເຊັ່ນ:
- ເງີນ ຫຼັງຈາກຮັບ ຫຼື ສຳຜັດເງີນແລ້ວຄວນຟ້າວເຮັດຄວາມສະອາດ ດ້ວຍການລ້າງມືໃສ່ສະບູ ຫຼື ເຈລແອລກໍຮໍທັນທີ.
- ຈັບລູກບິດປະຕູ ໃຫ້ເອົາບ່າດັນເພື່ອເປີດປະຕູ ຫຼື ໃຊ້ສະເປແອລກໍຮໍສີດໃສ່ເຈັ້ຍອະນາໄມ ເຊັດກ່ອນຈີ່ງຈັບບາຍ.
- ໂຕະເຮັດວຽກ ຄວນເຮັດຄວາມສະອາດຢູ່ເລື້ອຍໆ ດ້ວຍແອລກໍຮໍ.
- ມືຖື ແລະ ໂທລະສັບຕັ້ງໂຕະ ຄວນເຮັດຄວາມສະອາດຢູ່ເລື້ອຍໆ ຖ້າເປັນມືຖືຄວນຖອດເຄສອອກມາເຊັດດ້ວຍແອລກໍຮໍ ເພື່ອຫຼຸດການສະສົມຂອງເຊື້ອພະຍາດ.
- ຮາວຂັ້ນໄດເລື່ອນ ແຕ່ຖ້າຈຳເປັນຕ້ອງຈັບບາຍ ຄວນຟ້າວເຮັດຄວາມສະອາດດ້ວຍແອລກໍຮໍ ຫຼື ສະບູທັນທີ.
- ປຸ່ມກົດລິບ ໃຫ້ໃຊ້ບິກ ຫຼື ໄມ້ຈີ້ມແຂ້ວກົດລິບ ເພື່ອຫຼຸດຜ່ອນການສຳຜັດກັບລິບໂດຍກົງ.
- ບັດຄູປອງອາຫານ ບັດຈອດລົດແບບບັດແຂງ ຫຼັງຈາກໃຊ້ວຽກແລ້ວ ໃຫ້ໃຊ້ແອລກໍຮໍທີ່ມີທາດເຫຼົ້າ 70% ຂື້ນໄປສີດໃສ່ບັດທຸກເທື່ອທີ່ໄດ້ຮັບບັດມາ.
- ຕູ້ ATM ຫຼື ຕູ້ອັດຕະໂນມັດອື່ນໆ ຫຼັງຈາກສຳຜັດແລ້ວຄວນລ້າງມືດ້ວຍສະບູ ຫຼື ເຈລແອລກໍຮໍທັນທີ.
- ຫ້ອງນໍ້າສາທາລະນະ ໃຫ້ໃຊ້ເຈັ້ຍທິດຊູສຳຜັດອຸປະກອນແທນ ຫຼື ໃຊ້ສະເປແອລກໍຮໍສີດໃສ່ເຈັ້ຍທິດຊູ ເຊັດກ່ອນຈີ່ງສຳຜັດ ຫຼັງຈາກນັ້ນຄວນລ້າງມືໃຫ້ສະອາດທັນທີ.
- ວັດຖຸ ຄວນໃຊ້ສະເປແອລກໍຮໍສີດ ຫຼື ປະໄວ້ໃນຫ້ອງແຍກເປັນເວລາ 2 ມື້ ຫາກບໍ່ສາມາດວາງໄວ້ໄດ້ ໃຫ້ເຮັດຄວາມສະອາດກ່ອນຈີ່ງຈັບບາຍ.
