ຕາມຂ່າວຈາກ VOVWORLD,ເມື່ອບໍ່ດົນມານີ້, ຄະນະນັກກິລາ ຄົນພິການ ຫວຽດນາມ ພ້ອມກັບ 10 ຄະນະນັກກິລາ ປະເທດ ອາຊຽນ ໄດ້ມີໜ້າ ຢູ່ເຂດກິລາ ປະສົມ Manahan ຂອງ ອິນໂດເນເຊຍ ເພື່ອເຂົ້າຮ່ວມພິທີ ຊັກທຸງ ງານມະຫາກຳ ກິລາຄົນພິການ ອາຊີ ຕາເວັນອອກ ສ່ຽງໃຕ້ (ASEAN Para Games) ຄັ້ງທີ 11.ຂະນະນີ້ ທຸງຊາດ ຫວຽດນາມ ພ້ອມກັບ ທຸງຊາດ ຂອງ10 ປະເທດ ອາຊຽນ (ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ຕີມໍ ແລັດສະເຕ ແລະ ໄທ) ໄດ້ຊັກຂຶ້ນເສົາ ຕາມລຳດັບ ຢູ່ນະຄອນ Surakarta ຈັດຕັ້ງແຕ່ວັນທີ 30 ກໍລະກົດ ຫາວັນທີ 6 ສິງຫາ ຢູ່ນະຄອນ Surakarta, ເຫດການນີ້ ລວມມີ ກິລາ 14 ປະເພດ ດ້ວຍ 907 ເນື້ອໃນແຂ່ງຂັນ, ມີການເຂົ້າຮ່ວມ ຂອງນັກກິລາ 1.648 ຄົນ. ຄະນະ ນັກກິລາ ຄົນພິການ ຫວຽດນາມ ມີສະມາຊິກ 153 ຄົນ, ໃນນັ້ນມີນັກກິລາ 120 ຄົນ ແລະ ຈະເຂົ້າຮ່ວມ ການແຂ່ງຂັນ ກິລາຢູ່ 8/14 ປະເພດ ລວມມີ: ແລ່ນ ແລະ ລານ, ລອຍນ້ຳ, ຍົກນ້ຳໜັກ, ຕີດອກປີກໄກ່, ປິງປ້ອງ, ໝາກເສິກ, ຢູໂດ, ຍິງທະນູ ແລະ ສູ້ຊົນໃຫ້ໄດ້ມີໜ້າ ໃນກຸ່ມນຳໜ້າ ງານມະຫາກຳ ກິລາ ດ້ວຍຄາດໝາຍ ຜົນງານ ທີ່ວາງອອກແມ່ນ ໄດ້ຫລຽນຄຳ ແຕ່ 35–40 ຫລຽນ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
