ຕາມຂ່າວຈາກ VOVWORLD,ຕາມການສະຖິຕິ ຫລ້າສຸດ ຂອງອົງການ ອະນາໄມໂລກ (WHO) ແລ້ວ, ນັບແຕ່ ຕົ້ນປີມານີ້, ບັນດາ ປະເທດ ອາຟຣິກາກາງ ຢັ້ງຢືນ ມີຜູ້ຕິດເຊື້ອ ຕື່ມອີກ 3.200 ຄົນ ແລະ ຜູ້ຖືກສົງໄສວ່າ ຕິດເຊືື້ອເກືອບ 1.500 ຄົນ ໃນນັ້ນ ມີປະມານ 70 ຄົນ ເສຍຊີວິດ ຍ້ອນພະຍາດ ດັ່ງກ່າວ. ໃນກອງປະຊຸມ ຄະນະກຳມະການ ສຸກເສີນ (IHR) ຂອງອົງການ ອະນາໄມໂລກ (WHO) ຈັດຂຶ້ນ ເມື່ອບໍ່ດົນມານີ້ ແບບທາງໄກ ຈາກນັ້ນ ທ່ານ Tedros Adhanom Ghebreyesus ຜູ້ອຳນວຍການໃຫຍ່ ອົງການ WHO ໄດ້ເນັ້ນໜັກວ່າ: ທຸກປະເທດ ໃນໂລກ ຕ້ອງເພີ່ມທະວີ ກຳລັງ ຄວາມສາມາດ ເພື່ອແນໃສ່ ສະກັດກັ້ນການ ແຜ່ລະບາດ ຂອງພະຍາດ ໝາກສຸກລີງ, ຍູ້ແຮງ ການຕິດຕາມ ກວດກາ, ຄົ້ນຫາ ທາມລາຍ ແລະ ການແຍກປ່ຽວ ສຳລັບ ຜູ້ຕິດເຊື້ອ ພະຍາດ ດັ່ງກ່າວ./. (ພາກຂ່າວ: ຕ່າງປະເທດ)
ແຫຼ່ງຂ່າວ: ສຳນັກຂ່າວສານປະເທດລາວ
