ສຳນັກຂ່າວ ຣອຍເຕີ,ວັນທີ12 ມີນານີ້, ທ່ານ ໂຈ ໄບເດັນ,ປະທານາທິບໍດີ ສ.ອາເມລິກາ ເປີດເຜີຍຮ່າງວິໄສທັດນະໂຍບາຍ ໃນລະຫວ່າງ ການຫາສຽງເລືອກຕັ້ງເພື່ອລົງສະໝັກຊີງຕຳແໜ່ງປະທານາທິບໍດີ ຂອງ ສ.ອາເມລິກາ ສະໄໝ ທີ່2 ໂດຍວາງງົບປະມານ ປີ2025 ສູງເຖີງ 7,3ພັນຕື້ໂດລາ ສະຫະລັດ ເພື່ອເພີ່ມຄວາມໝັ້ນໃຈ ໃນການບໍລິຫານປະເທດ ໃນຕໍ່ໜ້າ. ສຳລັບ ງົບປະມານ ປີ2025 ແມ່ນຈະເລີ່ມ ໃນເດືອນ ຕຸລາ ກວມເອົາ ການປັບເພີ່ມ ອັດຕາ ພາສີ ເງິນລາຍໄດ້ ນິຕິບຸກຄົນ ຈາກ 21% ມາເປັນ 28% ໂດຍບັງຄັບໃຫ້ຜູ້ທີ່ມີລາຍໄດ້ ຫລາຍກວ່າ 100 ລ້ານໂດລາ ສະຫະລັດ ຕ້ອງຈ່າຍພາສີ ຢ່າງໜ້ອຍ 25%ຂອງລາຍໄດ້ ແລະ ເພື່ອເປີດທາງໃຫ້ ລັດຖະບານ ສາມາດ ເຈລະຈາ ເພື່ອຫລຸດ ຕົ້ນທຶນຄ່າຢາປິ່ນປົວ ພະຍາດ. ຂະນະດຽວກັນ ລັດຖະບານ ຈະນຳໃຊ້ ພາສີເດັກ ຄືນໃໝ່ ສຳລັບ ຜູ້ມີລາຍໄດ້ຕ່ຳ ແລະ ປານກາງ.ລວມໄປເຖິງ ການຈັດສັນ ງົບປະມານ ສໍາລັບ ໂຄງການດູແລເດັກແລະ ສະໜັບ ສະໜູນ ງົບປະມານ 258ຕື້ໂດລາ ສະຫະລັດສໍາລັບ ການກໍ່ສ້າງ ທີ່ຢູ່ອາໄສການໃຫ້ ສິດທິ ລາພັກ ເກີດລູກ ໃຫ້ແກ່ ລູກຈ້າງ 12 ອາທິດ ລວມທັງ ຄ່າໃຊ້ຈ່າຍ ຫລາຍຕື້ ໂດລາ ສະຫະລັດ ສຳລັບ ການບັງຄັບໃຊ້ ກົດໝາຍ ແລະ ການບໍລິການ ດ້ານອື່ນໆອີກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
