ຕາມຂ່າວຈາກ ນະຄອນ ກິນຊາຊາ, ວັນທີ11 ມັງກອນນີ້, ແມ່ນ້ຳຄອງໂກ ໃນທະວີບ ອາຟຣິກາ ມີປະລິມານ ເພີ່ມຂຶ້ນເຖິງ ລະດັບສູງສຸດ ໃນຮອບກວ່າ 60ປີ ເຮັດໃຫ້ເກີດ ນ້ຳຖ້ວມ ທົ່ວສາທາລະນະລັດ ປະຊາທິປະໄຕ ຄອງໂກ (DRC) ແລະ ສາທາລະນະລັດ ຄອງໂກ ເຮັດໃຫ້ມີ ຜູ້ເສຍຊີວິດ ຫລາຍກວ່າ 300ຄົນ ໃນໄລຍະ ຫລາຍເດືອນຜ່ານມາ.ສຳລັບ ແມ່ນ້ຳ ຄອງໂກ ໃນເມື່ອກ່ອນ ເອີ້ນວ່າ ແມ່ນ້ຳ ຊາອິສ (Zaire) ເປັນແມ່ນ້ຳທີ່ຍາວອັນດັບສອງ ໃນອາຟຣິກາ ຖັດຈາກ ແມ່ນ້ຳໄນລແລະ ເປັນແມ່ນ້ຳ ທີ່ໃຫຍ່ ອັນດັບ 3ຂອງໂລກ ເມື່ອຄິດໄລ່ ຈາກປະລິມານ ນ້ຳໄຫລ.
ເຂດລຸ່ມແມ່ນ້ຳຄອງໂກ ກວມເອົາ 10 ປະເທດ, ລວມທັງ DRC ແລະ ສາທາລະນະລັດ ຄອງໂກ.ລະດັບນ້ຳ ໃນແມ່ນ້ຳຄອງໂກ ໄດ້ຂຶ້ນສູ່ ລະດັບ ສູງສຸດ ຕັ້ງແຕ່ ທ້າຍເດືອນ ທັນວາ 2023ເຮັດໃຫ້ ນ້ຳໄຫລ ເຂົ້າຖ້ວມ ເຮືອນປະຊາຊົນ ສົ່ງຜົນກະທົບ ເປັນບໍລິເວນກວ້າງ ລວມທັງ ລະບົບ ພື້ນຖານ ໂຄງລ່າງ ໄດ້ຮັບ ຄວາມເສຍຫາຍ ຢ່າງໜັກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
