ວິທະຍຸສາກົນແຫ່ງ ສປ ຈີນ, ງານວາງສະແດງສິນຄ້າຄັ້ງນີ້ຈັດຂຶ້ນເປັນເວລາ 6 ວັນ ຈົນເຖິງ ວັນທີ 24 ມິຖຸນານີ້, ມີສັນຍາ ທຸລະກິດ ທີ່ເຊັນກັນ 153 ໂຄງການ, ມູນຄ່າສັນຍາການຄ້າກັບຕ່າງປະເທດ ສູງເຖິງ 8,4 ຕື້ກວ່າຢວນ, ຈຳນວນ ຜູ້ເຂົ້າຊົມເກີນ 500.000 ເທື່ອຄົນ. ອີງຕາມສະຖິຕິ, ງານວາງສະແດງ ສິນຄ້າຈີນ-ອາຊີໃຕ້ ຄັ້ງນີ້ ໄດ້ດຶງດູດ 73 ປະເທດ, ເຂດແຄວ້ນ ແລະ ອົງການຈັດຕັ້ງສາກົນ ລວມວິສາຫະກິດ 2,500 ແຫ່ງເຂົ້າຮ່ວມ, ເພີ່ມຂຶ້ນ 14,7% ເມື່ອທຽບໃສ່ ງານຄັ້ງກ່ອນ, ໃນນັ້ນ ມີວິສາຫະກິດ ຕ່າງປະເທດ 942 ແຫ່ງ ເພີ່ມຂຶ້ນ 20,9% ເມື່ອທຽບໃສ່ງານຄັ້ງກ່ອນ, ມີບໍລິສັດເຂັ້ມແຂງ 500 ແຫ່ງແລະ ບໍລິສັດຊັ້ນນຳຂອງໂລກ ລວມ 121 ແຫ່ງໄດ້ເຂົ້າຮ່ວມ ການສະແດງ ເພີ່ມຂຶ້ນ 36% ເມື່ອທຽບໃສ່ງານຄັ້ງກ່ອນ. ອີງຕາມຂໍ້ມູນ ຈາກກະຊວງ ການຄ້າຈີນ ໃຫ້ຮູ້ວ່າ: ຍອດມູນຄ່າ ການຄ້າ ລະຫວ່າງ ສປ ຈີນ ແລະ ປະເທດໃນອາຊີໃຕ້ ໃນປີ 2024 ບັນລຸເກືອບ 200 ຕື້ໂດ ລາສະຫະລັດ ເພີ່ມຂຶ້ນ 2 ເທົ່າໃນໄລຍະ 10 ປີຜ່ານມາ ໂດຍມີອັດຕາການເຕີບໂຕທີ່ສະເລ່ຍຕໍ່ປີ ປະມານ 6,3%.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
