ວິທະຍຸກະຈາຍສຽງຫວຽດນາມລາຍງານວ່າ: ໃນທ້າຍອາທິດຜ່ານມາ ທ່ານ ນິໂກລາສ ມາດູໂຣ ໄດ້ສາບານຕົວຮັບດຳລົງຕຳແໜ່ງປະທານາທິບໍດີ ເວເລຊູເອລາ ອາຍຸການ 6 ປີ ຄັ້ງທີ 3. ພິທີໄດ້ຈັດຂຶ້ນຢູ່ສະພາແຫ່ງຊາດ ເວເນຊູເອລາ ຢູ່ນະຄອນຫຼວງຄາຣາຕາສ (Caracas) ພາຍໃຕ້ການເປັນປະທານຂອງທ່ານ ຈອດ ໂຣດຣິເກຊ (Jorge Rodriguez) ປະທານສະພາແຫ່ງຊາດ.
ກ່າວຄຳເຫັນຕໍ່ສະພາແຫ່ງຊາດ ເວເລຊູເອລາ, ທ່ານ ນິໂກລາສ ມາດູໂຣ ສະແດງຄວາມຫວັງວ່າ ອາຍຸການໃໝ່ຂອງທ່ານຈະເປັນໄລຍະແຫ່ງສັນຕິພາບ, ວັດທະນາຖາວອນ, ຍຸຕິທຳ ແລະ ເປັນພື້ນຖານປະຊາທິປະໄຕໃໝ່, ພ້ອມທັງໃຫ້ຄຳໝັ້ນສັນຍາຈະປະຕິບັດກົດໝາຍຂອງປະເທດຊາດ ແລະ ໜ້າທີ່ຂອງຕົນ.
