ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ເດນິຊ ກູເລີ ຮອງປະທານສະພາສູງສຸດ ຝ່າຍກິດຈະການວິທະຍຸ ແລະ ໂທລະພາບຂອງຕວັກກີ ເປີດເຜີວວ່າ: ການໃຊ້ເຕັກໂນໂລຊີດີຈີຕອນເພີ່ມຂຶ້ນຢ່າງຕໍ່ເນື່ອງໃນກຸ່ມເດັກນ້ອຍ ແລະ ເຍົາວະຊົນ ໃນຕວັກກີ ກຳລັງສ້າງບັນຫາທາງດ້ານຈິດໃຈ ເຊັ່ນ: ອາການຢ້ານຕົກກະແສ (FOMO) ແລະ ອໍທິສຕິກທຽມ (virtual virtual)
ທ່ານ ກູເລີ ກ່າວວ່າ: ການໃຊ້ອຸປະກອນດີຈີຕອນຫຼາຍເກີນໄປ ແລະ ການເສື່ອມຕໍ່ກັບໂລກອອນລາຍຢູ່ສະເໝີ, ການເສບຕິດໜ້າຈໍ ແລະ ອາການຢ້ານຕົກກະແສ ກຳລັງນຳໄປສູ່ຄວາມທ້າທາຍທາງຈິດໃຈໃນເດັກນ້ອຍ ລວມທັງການນອນຫຼັບທີ່ຜິດປົກກະຕິ, ຄວາມວິຕົກກັງວົນເພີ່ມຂຶ້ນ ແລະ ການເຫັນຄຸນຄ່າໃນຕົນເອງຫຼຸດລົງ.
ດ້ວຍເຫດນີ້, ຕວັກກີ ກຳລັງຊອກຫາກົດລະບຽບຂໍ້ບັງຄັບທີ່ເປັນໄປໄດ້ໃນການຄວບຄຸມໂຊຊ້ຽວມີເດຍ ຫຼື ສື່ສັງຄົມອອນລາຍ ໃນກຸ່ມບຸກຄົນອາຍຸຕໍ່າກວ່າ 16 ປີ.
ທ່ານ ຣາເດຍ ເຊເຊີ ຄາທີຊິໂອກລູ ປະທານຄະນະອະນຸກຳມະການສິດທິເດັກຂອງລັດຖະສະພາາຕວັກກີ ສຳຜັດເຖິງການເພີ່ມຂຶ້ນຂອງອາການອໍທິສຕິກທຽມ ຢ່າງໜ້າຕົກໃຈ, ໂດຍອາການອໍທິສຕິກທຽມທີ່ມີທັກສະການສື່ສານຊ້າ, ການຕອບສະໜອງທາງອາລົມຫຼຸດລົງ ແລະ ການເຊື່ອມຕໍ່ກັບໂລກພາຍນອກທີ່ຄັບແຄບ ເປັນຜົນມາຈາກການໃຊ້ງານໜ້າຈໍກ່ອນໄວອັນຄວນ ຫຼື ຫຼາຍເກີນໄປໃນເດັກນ້ອຍ.
ຜົນການສຶກສາເຍົາວະຊົນຕວັກກີ ປີ 2023 ຊຶ່ງຈັດໂດຍກອງທຶນປະຊາກອນແຫ່ງສະຫະປະຊາຊາດ (UNPF) ແລະ ສະຖາບັນການສຶກສາຂອງມະຫາວິທະຍາໄລຮາເຊດເຕເປ ໄດ້ສຳຫຼວດປະຊາກອນ 1,300 ຄົນ ໃນ 67 ຈາກ 81 ແຂວງ ຂອງຕວັກກີ ພົບວ່າ: 92% ຄົນຂອງໄວໜຸ່ມ ອາຍຸ 15-24 ປີ ໃຊ້ສື່ສັງຄົມອອນລາຍ.
