ກອງປະຊຸມພົບປະສອງຝ່າຍເພື່ອແລກປ່ຽນບົດຮຽນ ແລະ ເສີມຂະຫຍາຍການພົວ ພັນຮ່ວມມືວຽກງານຂົງເຂດຍຸຕິທຳ ຈັດຂຶ້ນວັນທີ 18 ທັນວາ 2024 ຢູ່ໂຮງແຮມອາມາລີ ນະຄອນຫຼວງວຽງຈັນ ເຊິ່ງຝ່າຍລາວ ນຳໂດຍທ່ານ ໄພວີ ສີບົວລິພາ ລັດຖະມົນ ຕີກະຊວງຍຸຕິທຳ ແລະ ສສ ຫວຽດນາມ ນຳໂດຍ ທ່ານ ຫງວ້ຽນ ຫ໋າຍ ນິງ ລັດຖະມົນ ຕີກະຊວງຍຸຕິທຳ ສສ ຫວຽດນາມ ເຊິ່ງມີຄະນະນຳ ແລະ ພາກສ່ວນກ່ຽວຂອງສອງຝ່າຍເຂົ້າຮ່ວມ.
ການພົບປະຄັ້ງນີ້ເປັນການຈັດຕັ້ງຜັນຂະຫຍາຍເນື້ອບົດບັນທຶກການຮ່ວມມືລະ ຫວ່າງກະຊວງຍຸຕິທໍາ ສປປ ລາວ ແລະ ສສ ຫວຽດນາມໄລຍະແຕ່ປີ 2021-2025 ໃຫ້ເຂົ້າສູ່ລ່ວງເລີກປະກົດຜົນເປັນຈິງ ແລະ ມີປະສິດຜົນຫຼາຍຂຶ້ນ ທັງເປັນການປືຫາສາຫາລືແລກປ່ຽນບົດຮຽນໃນວຽກງານຂົງເຂດຍຸຕິທໍາຂອງບັນດາແຂວງທີ່ມີຊາຍ ແດນຕິດຈອດກັນລະຫວ່າງ ສປປ ລາວ ແລະ ສສ ຫວຽດນາມ ຄັ້ງທີ 6 ແບບເປີດກ້ວາງ.
ໃນການພົບປະ ທ່ານລັດຖະມົນຕີກະຊວງຍຸຕິທຳ ໄດ້ແຈ້ງໃຫ້ຮູ້ໂດຍສັງເຂບກ່ຽວກັບສະພາບການພັດທະນາເສດຖະກິດ-ສັງຄົມຢູ່ ສປປ ລາວ ແລະ ການຈັດຕັ້ງປະຕິບັດວຽກງານຍຸຕິທຳຈຳນວນໜຶ່ງໃນປີ 2022-2025 ເປັນຕົ້ນ ການຈັດຕັ້ງປະຕິບັດວຽກງານຍຸຕິທຳປີ 2023 ການຮ່າງກົດໝາຍ ແລະ ປັບປຸງກົດໝາຍ ການພົວພັນຮ່ວມມືລະຫວ່າງ2ກະຊວງຍຸຕິທຳລາວ-ຫວຽດນາມ (2022-2024) ພ້ອມທັງແຜນ ການຮ່ວມມືປະຈໍາປີ 2025 ແລະ ແຜນການຈັດຕັ້ງຜັນຂະຫຍາຍບົດບັນທຶກການຮ່ວມມື 5 ປີ 2026-2030 ທີ່ຈະໄດ້ສຸ່ມໃສ່ບາງວຽກງານໃນຂະແໜງຍຸຕິທໍາຂອງສອງປະເທດ ເພື່ອຮ່ວມກັນພັດທະນາ ແລະ ແລກປ່ຽນບົດຮຽນນຳກັນໃນຕໍ່ໜ້າໃຫ້ມີຜົນ ສຳເລັດຍິ່ງຂຶ້ນ.
