ວຽກງານນໍ້າມັນເຊື້ອໄຟກໍ່ແມ່ນວຽກງານໜຶ່ງທີ່ມີບົດບາດສໍາຄັນໃນການຕອບສະໜອງນໍ້າມັນເຊື້ອໄຟໃຫ້ແກ່ການເຝິກແອບຊ້ອມຮົບຮ່ວມລາວ-ຈີນ”ໂລ້ກໍາບັງມິດຕະພາບ-2024″ ຢູ່ໃນພາກສະໜາມເຊິ່ງວຽກງານດັ່ງກ່າວກໍ່ແມ່ນວຽກງານໜຶ່ງທີຈຳເປັນ ແລະ ຂາດບໍ່ໄດ້ ເພື່ອສອດຫ້ອຍເຂົ້າໃນທຸກຂົງເຂດວຽກງານທີ່ປິ່ນອອ້ມໃຫ້ສາມາດດຳເນີນໄປຕາມແຜນການທີ່ວາງໄວ້.
ສະຫາຍ ພັນໂທ ຈັນປາດາວັນ ສິດທິເດດ ຮອງຫົວໜ້າພະແນກນໍ້າມັນເຊື້ອໄຟ ກົມນໍ້າມັນເຊື້ອໄຟ ຄະນະຮັບຜິດຊອບນໍ້າມັນເຊື້ອໄຟພາກສະໜາມ ໄດ້ໃຫ້ສໍາພາດວ່າ: ພາຍຫຼັງໄດ້ຮັບຄໍາສັ່ງມອບໝາຍຈາກຂັ້ນເທິງ ໃຫ້ຄະນະຮັບຜິດຊອບວຽກງານນໍ້າມັນເຊື້ອໄຟພວກເຮົາເຂົ້າຮ່ວມຊ້ອມຮົບຮ່ວມ ລາວ-ຈີນ “ໂລ້ກຳບັງມິດຕະພາບ-2024” ໃນການປະຕິບັດໜ້າທີ່ວິຊາສະເພາະຂອງຕົນໃນການເບີກ-ຈ່າຍນໍ້າມັນເຊື້ອໄຟຢູ່ສະໜາມຊ້ອມຮົບໃນ ຄັ້ງນີ້ ເພື່ອຮັບປະກັນເຮັດໃຫ້ວຽກງານວິຊາສະເພາະສໍາເລັດຕາມຄາດໝາຍ ໃນນີ້ ພວກເຮົາໄດ້ເປັນເອກະພາບກັບອະນຸກຳມະການຮັບປະກັນນໍ້າມັນເຊື້ອໄຟ ແລະ ອະນຸກຳມະການພະລາທິການ ໄດ້ພ້ອມກັນຈັດຕັ້ງເຜີຍແຜ່ເຊື່ອມຊຶມໜ້າທີ່ຄວາມຮັບຜິດຊອບໃຫ້ແຕ່ລະພາກສ່ວນຮັບຜິດຊອບໂດຍກົງ, ຮອບດ້ານ ຈາກນັ້ນ ພວກເຮົາກໍໄດ້ພ້ອມກັນນໍາເອົາລົດນໍ້າມັນເຊື້ອໄຟເຂົ້າສູ່ສະໜາມ, ໃນເມື່ອມາຮອດສະໜາມແລ້ວ ພວກເຮົາກໍໄດ້ພ້ອມກັນປະຕິບັດມະຕິຄໍາສັ່ງ, ຂໍ້ກຳນົດກົດລະບຽບຂອງການຊ້ອມຮົບວາງອອກຢ່າງເຂັ້ມງວດ ເປັນຕົ້ນແມ່ນໃນເວລາເບີກ-ຈ່າຍນໍ້າມັນເຊື້ອໄຟໃຫ້ແຕ່ລະພາກສ່ວນພວກເຮົາໄດ້ປະຕິບັດຄື: ພາກສ່ວນໃດຈະມາຮັບນໍ້າມັນຢູ່ພາກສະໜາມຕ້ອງໄດ້ມີການກວດກາເບິ່ງບັດ, ບົງ ແລະ ເອກະສານເຊັນຜ່ານອະນຸມັດຕາມຂັ້ນຕອນຢ່າງຖືກຕ້ອງ, ລະອຽດຖີ່ຖ້ວນ ພວກເຮົາຈຶ່ງໄດ້ຄິດໄລ່ ແລະ ເບີກຈ່າຍໃຫ້ແຕ່ລະພາກສ່ວນຕາມແຜນການ, ພາຍຫຼັງທີ່ໄດ້ເຂົ້າມາຢຶດສະໜາມຕອບສະໜອງນໍ້າມັນເຊື້ອໄຟຮັບໃຊ້ພາກສະໜາມໄດ້ໄລຍະໜຶ່ງແລ້ວ ພວກເຮົາກໍຍັງໄດ້ມີການສະຫຼຸບຖອດຖອນ ບົດຮຽນໃນການຈັດຕັ້ງປະຕິບັດວຽກງານເຊື້ອໄຟ ເພື່ອສະຫຼຸບຕີລາຄາໃຫ້ເຫັນດ້ານດີ, ດ້ານອອ່ນ, ຂໍ້ຄົງຄ້າງ ແລະ ບົດຮຽນທີ່ຈະຕ້ອງແກ້ໄຂປັບປຸງໃນຕໍ່ໜ້າໃຫ້ດີຂຶ້ນກວ່າເກົ່າ.
ພ້ອມນັ້ນ ກໍຍົກສູງຄວາມເອົາໃຈໃສ່ຕໍ່ໜ້າທີ່ວິຊາສະເພາະໃຫ້ໜັກແໜ້ນ ຕອບສະໜອງການເບີກ-ຈ່າຍນໍ້າມັນເຊື້ອໄຟດ້ວຍຄວາມວ່ອງໄວ ທັນກັບສະພາບການ ຖືເອົາວຽກງານນີ້ເປັນໜ້າທີ່ອັນສໍາຄັນໃນການສະໜອງຮັບໃຊ້ຢູ່ພາກສະໜາມຢ່າງພຽງພໍ ທັງໄດ້ເອົາໃຈໃສ່ຢ່າງໃກ້ຊິດຕິດແທດ, ຕິດຕາມ-ກວດກາການຈັດຕັ້ງປະຕິດບັດວຽກງານ ຮັບປະກັນນໍ້າມັນເຊື້ອໄຟຕົວຈິງ ໂດຍໄດ້ຕິດຕາມອ້າຍນ້ອງຮັບ ແລະ ເບີກຈ່າຍນໍ້າມັນເຊື້ອໄຟໃຫ້ແຕ່ລະພາກສ່ວນໃຫ້ທົ່ວເຖິງ ຜ່ານການຈັດຕັັ້ງປະຕິບັດມາໄດ້ໄລຍະໜຶ່ງນີ້ ພວກເຮົາຍັງຈະສືບຕໍ່ສຸມໃສ່ຕັ້ງໜ້າປັບປຸງວຽກງານດັ່ງກ່າວໃຫ້ພົ້ນເດັ່ນຂຶ້ນ ເພື່ອຮັບປະກັນໃຫ້ການເບີກ-ຈ່າຍໄດ້ຢ່າງສະເໝີຕົ້ນ-ສະເໝີປາຍ ທັງນີ້ ກໍເພື່ອຮັບປະກັນໃຫ້ມີນໍ້າມັນເຊື້ອໄຟພຽງພໍຕະຫອຼດໄລຍະຂອງການຫັດແອບຊ້ອມຮົບຮ່ວມລາວ-ຈີນ ຄັ້ງນີ້ໃຫ້ໄດ້ຮັບຜົນສູງສຸດ.
ໂດຍ: ສົມຄິດ ພູມມີຈິດ
