Wednesday, July 24, 2024
Homeຂ່າວໜ້າໜຶ່ງລາວ-ຫວຽດນາມ ສຳມະນາວິທະຍາສາດ ປັບປຸງລັດຖະທຳມະນູນ ແລະ ບົດຮຽນການຄົ້ນຄວ້ານິຕິບັນຍັດ

ລາວ-ຫວຽດນາມ ສຳມະນາວິທະຍາສາດ ປັບປຸງລັດຖະທຳມະນູນ ແລະ ບົດຮຽນການຄົ້ນຄວ້ານິຕິບັນຍັດ

ສະພາແຫ່ງຊາດ ແຫ່ງ ສປປ ລາວ ຮ່ວມກັບ ສະພາແຫ່ງຊາດ ແຫ່ງ ສສ ຫວຽດນາມ ຈັດສຳມະນາ ວິທະຍາສາດ ກ່ຽວກັບປັບປຸງລັດຖະທຳມະນູນ ແລະ ບົດຮຽນການຄົ້ນຄວ້ານິຕິບັນຍັດ ໃນລະຫວ່ານວັນທີ 4-5 ກໍລະກົດ 2024 ທີ່ນະຄອນຫລວງວຽງຈັນ ພາຍໃຕ້ການເປັນປະທານຮ່ວມຂອງ ສະຫາຍ ຈະເລີນ ເຢຍປາວເຮີ ກຳມະການສູນກາງພັກ, ຮອງປະທານສະພາແຫ່ງຊາດ ແຫ່ງ ສປປ ລາວ ແລະ ສະຫາຍ ຫວຽນ ຄັກ ດິ້ງ ກຳມະການສູນກາງພັກ, ຮອງປະທານສະພາແຫ່ງຊາດ ແຫ່ງ ສສ ຫວຽດນາມ, ມີພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ສະຫາຍ ຈະເລີນ ເຢຍປາວເຮີ ໄດ້ກ່າວວ່າ: ກອງປະຊຸມໃນຄັ້ງນີ້, ເປັນກອງປະຊຸມທີ່ມີຄວາມສຳຄັນຫລາຍ ເນື່ອງຈາກວ່າຈະໄດ້ຮັບຟັງການສະເໜີບົດຮຽນ ກ່ຽວກັບການຄົ້ນຄວ້າ ວິທະຍາສາດດ້ານນິຕິບັນຍັດ ຂອງສອງສະພາແຫ່ງຊາດ ລາວ-ຫວຽດນາມ ເຊິ່ງເຊື່ອໝັ້ນວ່າຈະກາຍເປັນບົດຮຽນທີ່ສຳຄັນທີ່ສຸດ ເຮັດໃຫ້ສະພາແຫ່ງຊາດລາວ ໃນການປັບປຸງ ຍົກລະດັບການຄົ້ນຄວ້າວິທະຍາສາດ ດ້ານນິຕິບັນຍັດຂອງຕົນສູ່ບາດ ກ້າວໃໝ່.

ສະຫາຍ ສິນທະລາ ຫລ້າສຸກສະໄໝ ຫົວໜ້າສະຖາບັນຄົ້ນຄວ້ານິຕິກຳ ຂອງສະພາແຫ່ງຊາດລາວ ໄດ້ກ່າວວ່າ: ສະຖາບັນຄົ້ນຄວ້ານິຕິກຳສະພາແຫ່ງຊາດ ເປັນເສນາທິການໃຫ້ແກ່ຄະນະປະຈຳສະພາແຫ່ງຊາດ ໄດ້ສຸມໃສ່ການຄົ້ນຄວ້າຫົວຂໍ້ວິທະຍາສາດ, ຫລັກສຸດ, ທັກສະ, ປື້ມຄູ່ມື, ຄົ້ນຄວ້າຄັດຫຍໍ້ ແລະ ສົມທຽບກົດໝາຍຂອງຕ່າງປະເທດ ເພື່ອເປັນຂໍ້ມູນໃນການສ້າງ ແລະ ປັບປຸງກົດໝາຍ; ເປັນໃຈກາງໃນການຈັດຝຶກອົບຮົມ ການຍົກສູງຂີດຄວາມສາມາດ ໃຫ້ແກ່ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ ແລະ ພະນັກງານທີ່ເປັນເສນາທິການ ໃນຫົວຂໍ້ວິທະຍາສາດ ແລະ ຫລັກສູດຕ່າງໆ ຢ່າງກວ້າງຂວາງ. ນອກຈາກນີ້, ຍັງເປັນບ່ອນອີງໃນການຄົ້ນຄວ້າສ້າງ, ປັບປຸງກົດໝາຍ ແລະ ນິຕິກຳຕ່າງໆ.

ນອກຈາກນີ້, ສະຫາຍຍັງຍົກໃຫ້ເຫັນຫລັກການພື້ນຖານໃນການສ້າງ, ປັບປຸງກົດໝາຍ ແລະ ນິຕິກໍາ ເຊິ່ງຕ້ອງສອດຄ່ອງກັບແນວທາງນະໂຍບາຍ ພັກປະຊາຊົນປະຕິວັດລາວ ເປັນພັກກຳອຳນາດ, ເປັນຜູ້ວາງແນວທາງນະໂຍບາຍຂອງພັກ, ນຳພາ, ຊີ້ນຳ ຕໍ່ທຸກຂົງເຂດວຽກງານ, ການສ້າງ, ປັບປຸງກົດໝາຍ ແລະ ນິຕິກຳ ຕ້ອງສອດຄ່ອງກັບເນື້ອໃນຈິດໃຈ ແລະ ໄປຕາມແນວທາງນະໂຍບາຍຂອງພັກ. ນອກຈາກນີ້, ຍັງຕ້ອງສອດຄ່ອງກັບລັດຖະທຳມະນູນ ຂອງ ລະບອບປະຊາທິປະໄຕ ປະຊາຊົນລາວ ເຊິ່ງແມ່ນໝາກຜົນລວມຍອດແຫ່ງສະຕິປັນຍາ ແລະ ການປະກອບຄວາມເຫັນຢ່າງກວ້າງຂວາງ ຂອງປະຊາຊົນໃນທົ່ວປະເທດ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments