Saturday, July 13, 2024
Homeຂ່າວຕ່າງປະເທດຫວຽດເຈັດໜຶ່ງໃນ 50 ບໍລິສັດຈົດທະບຽນແຖວໜ້າ ຂອງຫວຽດນາມ

ຫວຽດເຈັດໜຶ່ງໃນ 50 ບໍລິສັດຈົດທະບຽນແຖວໜ້າ ຂອງຫວຽດນາມ

ບໍລິສັດ ສາຍການບິນຫວຽດເຈັດ (Vietjet) ໄດ້ເປັນໜຶ່ງໃນລາຍຊື່ 50 ບໍລິສັດຈົດທະບຽນແຖວໜ້າປະຈຳປີ 2024 ຂອງວາລະສານ Forbes Vietnam ຊຶ່ງເປັນການຈັດອັນດັບບໍລິສັດຈາກຫຼາກຫຼາຍອຸດສາຫະກຳໃນຕະຫຼາດຫຼັກຊັບຂອງປະເທດຫວຽດນາມ. ຈາກການລາຍງານທາງດ້ານການເງິນທີ່ຜ່ານການກວດສອບປະຈຳປີ 2023 ຂອງ Vietjet ແມ່ນໄດ້ຕິດອັນດັບ 5 ໃນດ້ານລາຍຮັບ ໂດຍມີຍອດລວມຢູ່ທີ່ 58,3 ລ້ານລ້ານດົງ (ປະມານ 2,28 ພັນລ້ານໂດລາ) ຊຶ່ງສະທ້ອນໃຫ້ເຫັນການເຕີບໃຫຍ່ທີ່ດີຂຶ້ນເຖິງ 45% ເມື່ອທຽບເປັນລາຍປີ. ບໍລິສັດທີ່ຕິດ 10 ອັນດັບທຳອິດຂອງປະເທດຫວຽດນາມໄດ້ແກ່ Petrolimex, Hoa Phat PV Gas, Vinamilk ແລະ FPT ເປັນຕົ້ນ.

Vietjet ສືບຕໍ່ຟື້ນຟູຢ່າງແຂງແຮງພາຍຫຼັງການລະບາດຂອງເຊື້ອພະຍາດໂຄວິດ-19 ໂດຍໄດ້ສ້າງເຄືອຂ່າຍການບິນພາຍໃນປະເທດ ແລະ ຂະຫຍາຍການບິນລະຫວ່າງປະເທດ ລວມທັງເສັ້ນທາງໃນປະເທດລາວ ທີ່ເຊື່ອມຕໍ່ລະຫວ່າງ ນະຄອນຫຼວງວຽງຈັນ ແລະ ນະຄອນໂຮ່ຈິມິນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດ ໃນວັນຈັນ, ພຸດ, ສຸກ ແລະ ວັນອາທິດ, ດ້ວຍເວລາໃນການເດີນທາງພຽງ 1 ຊົ່ວໂມງ 45 ນາທີ. ໃນປີທີ່ຜ່ານມາ, ສາຍການບິນໄດ້ດຳເນີນການບິນ 133.000 ຖ້ຽວ ແລະ ໄດ້ຮັບຜູ້ໂດຍສານ 25,3 ລ້ານຄົນ. ເພີ່ມຂຶ້ນ 183% ເມື່ອທຽບເປັນລາຍປີ ໂດຍມີຜູ້ໂດຍສານຫຼາຍກວ່າ 7,6 ລ້ານຄົນ ໃນເສັ້ນທາງລະຫວ່າງປະເທດ. ນອກຈາກນີ້, Vietjet ຍັງສຸມໃສ່ການປັບປຸງເຮືອບິນທີ່ເປັນມິດກັບສິ່ງແວດລ້ອມທີ່ຄໍານຶງເຖິງເປົ້າໝາຍການພັດທະນາແບບຍືນຍົງ ການມີປະສິດທິພາບຂອງນໍ້າມັນເຊື້ອໄຟ ແລະ ການລິເລີ່ມເພື່ອຫຼຸດຜ່ອນການປ່ອຍມົນລະພິດ.

ນອກຈາກນັ້ນ, Vietjet ຍັງໄດ້ຮັບເຄຣດິດ (Credit) ຂອງ VnBBB- ຊຶ່ງເປັນເຄຣດິດ (Credit) ສູງສຸດໃນບັນດາບໍລິສັດຫວຽດນາມ ຕາມມາດຕະຖານຂອງກະຊວງການເງິນຫວຽດນາມ. ການຖືກລວມເຂົ້າຢູ່ໃນ 50 ບໍລິສັດທີ່ຈົດທະບຽນຂອງວາລະສານ Forbes ປະເທດຫວຽດນາມໃນປີ 2024 ເປັນຈຸດເດັ່ນທີ່ຕາມມາຫຼັງຈາກຫວຽດເຈັດໄດ້ຮັບລາງວັນ ແລະ ການຍອມຮັບທີ່ຫຼາກຫຼາຍເຊັ່ນ: ໄດ້ຮັບການສະເໜີຊື່ເປັນໜຶ່ງໃນ 50 ສາຍການບິນທີ່ດີທີ່ສຸດໃນໂລກດ້ານການເງິນ ແລະ ການດໍາເນີນງານທີ່ເຂັ້ມແຂງຈາກວາລະສານ Airfinance Journal. VietJet ຍັງໄດ້ຮັບການຍົກຍ່ອງວ່າເປັນໜຶ່ງໃນ 50 ແບຣນທີ່ມີມູນຄ່າທີ່ສຸດໃນປະເທດຫວຽດນາມ 50 ບໍລິສັດທີ່ມີປະສິດທິຜົນດີທີ່ສຸດໃນປະເທດຫວຽດນາມ ແລະ 10 ບໍລິສັດທີ່ມີການຄຸ້ມຄອງບໍລິຫານວິສາຫະກິດດີທີ່ສຸດຢູ່ຕະຫຼາດຫຼັກຊັບໃນປະເທດຫວຽດນາມ ແລະ ເປັນໜຶ່ງໃນ 20 ບໍລິສັດຈົດທະບຽນທີ່ມີຄະແນນຄວາມຍືນຍົງສູງສຸດຕາມທິ່ກໍານົດໂດຍ HOSE.

(ຂ່າວ: ຕຸໄລເພັດ)

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments