Wednesday, July 24, 2024
Homeຂ່າວຕ່າງປະເທດກອງປະຊຸມໂຕະມົນສົນທະນາລະຫວ່າງສື່ມວນຊົນຈີນ-ປະເທດອົງການຮ່ວມມືຊຽງໄຮ

ກອງປະຊຸມໂຕະມົນສົນທະນາລະຫວ່າງສື່ມວນຊົນຈີນ-ປະເທດອົງການຮ່ວມມືຊຽງໄຮ

ເນື່ອງໃນໂອກາດກອງປະຊຸມຄັ້ງທີ24ຂອງສະພາມົນຕີປະເທດສະມາຊິກອົງການຮ່ວມມືຊຽງໄຮເປີດຂຶ້ນ, ກອງປະຊຸມໂຕະມົນສົນທະນາລະຫວ່າງສື່ມວນຊົນຈີນ-ປະເທດອົງການຮ່ວມມືຊຽງໄຮພາຍໃຕ້ການເປັນເຈົ້າພາບຂອງວິທະຍຸໂທລະພາບສູນກາງຈີນຫຼືCMGໄດ້ຈັດຂຶ້ນໃນວັນທີ3ກໍລະກົດ ຜ່ານມາ ຢູ່ນະຄອນຫຼວງອັສທານາປະເທດກາຊັກສະຖານ.

ເຈົ້າໜ້າທີ່ລັດຖະບານ,ຜູ້ຮັບຜິດຊອບສື່ມວນຊົນສຳຄັນແລະແຂກຖືກເຊີນທ່ານອື່ນໆຂອງບັນດາປະເທດສະມາຊິກອົງການຮ່ວມມືຊຽງໄຮໄດ້ລົງເລິກແລກປ່ຽນຄວາມຄິດເຫັນໂດຍປິ່ນອ້ອມຫົວຂໍ້ “ເຕົ້າໂຮມກຳລັງແຮງສັງລວມຂອງສື່ມວນຊົນເພື່ອສົ່ງເສີມ“ຈິດໃຈຊຽງໄຮ”, ຜູ້ເຂົ້າຮ່ວມກອງປະຊຸມໄດ້ຍ້ອງຍໍຊົມເຊີຍຕໍ່ຜົນງານດ້ານການຮ່ວມມືລະຫວ່າງຈີນກັບປະເທດອົງການຮ່ວມມືຊຽງໄຮໃນຂົງເຂດຕ່າງໆເຊັ່ນ:ການຮ່ວມມືລະຫວ່າງສື່ມວນຊົນເປັນຕົ້ນ, ພ້ອມທັງຄອງຄອຍຈະລົງເລິກການຮ່ວມມືກັນຕື່ມອີກໃນອະນາຄົດ, ຮ່ວມກັນຊຸກຍູ້ການສ້າງປະຊາຄົມຮ່ວມຊາຕາກຳຂອງອົງການຮ່ວມມືຊຽງໄຮທີ່ແໜ້ນແຟ້ນຍິ່ງຂຶ້ນ.

ກິດຈະກຳດັ່ງກ່າວໄດ້ເຜີຍແຜ່ຂໍ້ລິເລີ່ມວ່າດ້ວຍການລົງເລິກການຮ່ວມມືຕົວຈິງລະຫວ່າງວິທະຍຸໂທລະພາບສູນກາງຈີນກັບສື່ມວນຊົນປະເທດອົງການຮ່ວມມືຊຽງໄຮ. ໃນຕໍ່ໜ້າ, ບັນດາຝ່າຍຈະປະຕິບັດຕາມ “ຈິດໃຈຊຽງໄຮ” ເພື່ອຮ່ວມກັນນຳສະເໜີລາຍການສື່ໃໝ່ທີ່ມີຊື່ວ່າ “ຈິດໃຈຊຽງໄຮ’ຂອງພວກເຮົາ”ທີ່ຜະລິດໂດຍCMGກ່ອນກອງປະຊຸມສຸດຍອດອົງການຮ່ວມມືຊຽງໄຮ2025ຈະເປີດຂຶ້ນ.

ຂ່າວ: ຊີອາໄອ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments