ກອງປະຊຸມຄົບຄະນະບໍລິຫານງານພັກກະ ຊວງແຮງງານ ແລະ ສະຫວັດດີການສັງຄົມ (ຮສສ) ສະໄໝທີ VI ໄດ້ຈັດຂຶ້ນໃນວັນທີ 3 ກໍລະ ກົດຜ່ານມາ ທີ່ເຮືອນຮັບແຂກກະຊວງ ຮສສ ໂດຍການເປັນປະທານຂອງ ສະຫາຍນາງ ໃບຄຳ ຂັດທິຍະ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງ ຮສສ, ມີບັນດາພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ຄຳໄຊ ເຊ່ຍຍິງຢ່າງ ຫົວໜ້າກົມຈັດຕັ້ງ ແລະ ພະນັກງານໄດ້ລາຍງານສະພາບລວມ ໃນໄລຍະ 6 ເດືອນຕົ້ນປີຜ່ານມາ ແລະ ແຜນການ 6 ເດືອນຕໍ່ໜ້າວ່າ: ກະຊວງ ຮສສ ໄດ້ສຸມໃສ່ນຳພາຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI, ມະຕິກອງປະຊຸມຄົບຄະນະເປີດກວ້າງຂອງອົງຄະນະພັກກະຊວງ ຮສສ ຄັ້ງທີ 4 ສະໄໝທີ VI ແລະ ແຜນການດໍາເນີນງານຂອງຄະນະພັກກະຊວງປະຈໍາປີ 2024 ຊຶ່ງການປະຕິບັດບັນດາແຜນດຳ ເນີນງານດັ່ງກ່າວໄດ້ດໍາເນີນໄປໃນເງື່ອນ ໄຂທີ່ສະພາບພາກພື້ນພາຍໃນປະເທດຍັງສືບຕໍ່ຜັນແປໄປຢ່າງສັບສົນ.
ສຳລັບຂະແໜງແຮງງານ ແລະ ສະຫວັດດີການສັງຄົມ ໄດ້ປະເຊີນກັບຄວາມຫຍຸ້ງຍາກບໍ່ໜ້ອຍ ເປັນຕົ້ນບັນຫາການເຄື່ອນຍ້າຍຂອງກໍາລັງແຮງງານໄປຕ່າງປະເທດທີ່ຖືກຕ້ອງ ແລະ ບໍ່ຖືກຕ້ອງຕາມກົດໝາຍ ແລະ ລະບຽບການ ເຮັດໃຫ້ມີຄວາມສ່ຽງທີ່ຈະບໍ່ໄດ້ຮັບການປົກປ້ອງສິດ ທິ ແລະ ຜົນປະໂຫຍດຕ່າງໆຢ່າງທົ່ວເຖິງ; ການຂາດແຄນກໍາລັງແຮງງານພາຍໃນ ແລະ ບັນ ຫາການຂາດດຸນງົບປະ ມານເພື່ອສະໜັບສະໜູນການຈັດຕັ້ງປະຕິ ບັດບັນດາແຜນງານ, ກິດຈະກໍາຂອງແຜນພັດ ທະນາວຽກງານແຮງງານ ແລະ ສະຫວັດດີການສັງຄົມ; ເຖິງຢ່າງໃດກໍຕາມ, ພາຍໃຕ້ການນໍາພາ-ຊີ້ນໍາຂອງກົມການ ເມືອງສູນກາງພັກ, ລັດຖະບານ ດ້ວຍຄວາມຮັບຜິດຊອບສູງຂອງອົງຄະນະພັກກະຊວງ ຮສສ ໄດ້ສຸມໃສ່ນໍາພາຈັດຕັ້ງປະຕິບັດ 7 ຄາດໝາຍ ແລະ 10 ວຽກຈຸດສຸມໃນ 6 ເດືອນຕົ້ນປີ 2024 ຂອງອົງຄະນະພັກກະຊວງ ຮສສ ແລະ 7 ຕົວຊິ້ບອກ, 9 ໜ້າວຽກຂອງສະພາແຫ່ງຊາດ ແລະ ສອງວາລະແຫ່ງຊາດ ທີ່ຕິດພັນກັບວຽກງານແຮງງານ ແລະ ສະຫວັດດີການສັງຄົມໄດ້ຮັບຜິດຊອບສູງໃນການປັບປຸງກົງຈັກການຈັດຕັ້ງພັກ-ລັດ ໃຫ້ມີຄວາມເຂັ້ມແຂງ, ໜັກແໜ້ນຢ່າງເປັນລະບົບ; ດ້ານແບບແຜນວິທີນໍາພາ, ວິທີເຮັດວຽກຂອງຄະນະພັກແຕ່ລະຂັ້ນກໍໄດ້ຮັບການປັບປຸງດີຂຶ້ນກ່ວາເກົ່າ; ການຊີ້ນໍາວຽກວິຊາສະເພາະໄດ້ຮັບຄວາມເອົາໃຈໃສ່ລົງເລີກດ້ານວິຊາການ ທີ່ມີລັກສະນະວິທະຍາ ສາດ ແລະ ຕົວຈິງຫຼາຍຂຶ້ນ; ພະນັກງານ-ສະມາຊິກພັກມີຄວາມສະຫງົບໂດຍພື້ນຖານ, ມີຄວາມໜັກແໜ້ນທາງດ້ານຄຸນທາດການເມືອງ ອັນເປັນພື້ນຖານໃຫ້ແກ່ການສືບຕໍ່ນຳພາພັດທະ ນາວຽກແຮງງານ ແລະ ສະຫວັດດີການສັງຄົມໃນ 6 ເດືອນທ້າຍປີຢ່າງມີຈຸດສຸມ.
ໂອກາດນີ້, ສະຫາຍ ນາງ ໃບຄຳ ຂັດທິຍະ ໄດ້ມີຄຳເຫັນເຈາະຈີ້ມບາງບັນຫາສຳຄັນທີ່ຕິດພັບກັບວຽກງານຂະແໜງ ຮສສ ບັນດາຄາດໝາຍສູ້ຊົນໃນມະຕິກອງປະຊຸມໃຫຍ່ຄັ້ງ XI ຂອງພັກ, ແຜນວຽກຈຸດສຸມ, ຕົວຊີ້ບອກຂອງຂະແໜງ ຮສສ ໃນແຜນພັດທະນາເສດຖະກິດ-ສັງຄົມ 5 ປີຄັ້ງທີ 9, ມະຕິກອງປະຊຸມໃຫຍ່ຄັ້ງທີ 6 ຂອງອົງຄະນະພັກ ຮສສ, ແຜນພັດທະນາ ຮສສ 5 ປີຄັ້ງທີ 5 ຕິດພັນກັບສອງວາລະແຫ່ງຊາດ. ໃນການນຳພາລວມຂອງຄະນະບໍລິຫານງານພັກກະຊວງ ຮສສ ເພື່ອໃຫ້ໄດ້ປະກອບຄຳຄິດຄຳເຫັນ ຕໍ່ຄວາມຮັບຜິດ ຊອບລວມຂອງຄະນະພັກໂດຍສະເພາະໃຫ້ລົງເລິກປະກອບຄິດຄຳເຫັນໃຫ້ບັນດາສະຫາຍຄະນະໜ່ວຍພັກດ້ວຍຄວາມຈິງໃຈ ເພື່ອຊ່ວຍປັບປຸງກໍ່ສ້າງພະນັກງານນຳພາຄຸ້ມຄອງໃຫ້ມີຄວາມປອດໃສເຂັ້ມແຂງ, ໜັກແໜ້ນຮອບດ້ານ, ການປະກອບຄຳຄິດຄຳເຫັນຕຳນິສົ່ງຂ່າວ ເພື່ອຊ່ວຍໃຫ້ພະນັກງານນຳພາຄຸ້ມຄອງໄດ້ປັບປຸງປ່ຽນແປງຕົນເອງ, ແກ້ໄຂຈຸດອ່ອນ ຂໍ້ຄົງຄ້າງຢ່າງມີຜົນສຳເລັດ.
ຂ່າວ: ຮສສ
