Saturday, July 13, 2024
Homeຂ່າວຕ່າງປະເທດເຮືອບິນການຄ້າຈີນ ເປີດເສັ້ນທາງການບິນພູພຽງສາຍທຳອິດ

ເຮືອບິນການຄ້າຈີນ ເປີດເສັ້ນທາງການບິນພູພຽງສາຍທຳອິດ

ວິທະຍຸສາກົນ ແຫ່ງ ສປ ຈີນ, ວັນທີ 2 ກໍລະກົດນີ້, ເຮືອບິນ ການຄ້າ ARJ21 ລຳໜຶ່ງ ທີ່ຂຶ້ນກັບ ບໍລິສັດ ການບິນ ເສີງຕູ່ ໄດ້ບິນຈາກ ສະໜາມບິນ ສາກົນ ໄຫລນິງ ເມືອງຄາສື ແລະ ເດີນທາງ ໄປຍັງ ສະໜາມບິນ ຫົງສີລາຝູ ເມືອງປົກຄອງຕົນເອງ ທາສຄົວກັນຕັດຈິ ເຂດປົກຄອງ ຕົນເອງ ອຸຍເກີ້ຊິ່ນຈ່ຽງ, ເຊິ່ງເປັນຂີດໝາຍ ສະແດງ ໃຫ້ເຫັນວ່າ ເຮືອບິນ ການຄ້າຈີນ ເປີດເສັ້ນທາງ ການບິນ ພູພຽງ ສາຍທຳອິດ ສຳເລັດຜົນ. ຕາມຂໍ້ກຳນົດ ຂອງອົງການ ການບິນ ພົນລະເຮືອນຈີນ, ສະໜາມບິນ ທີ່ສູງກວ່າ ລະດັບ ໜ້ານ້ຳ ທະເລ 2.438 ແມັດ ແມ່ນສະໜາມບິນ ພູພຽງ. ສະໜາມບິນ ຫົງສີລາຝູ ສູງກວ່າ ລະດັບ ໜ້ານ້ຳ ທະເລ 3.258,4 ແມັດ, ແມ່ນສະໜາມບິນ ພູພຽງ ແຫ່ງທຳອິດ ຂອງເຂດປົກຄອງ ຕົນເອງ ອຸຍເກີ້ ຊິ່ນຈ່ຽງ, ທັງເປັນ ສະໜາມບິນ ທີ່ຕັ້ງຢູ່ ສົ້ນສຸດ ພາກຕາເວັນຕົກ ຂອງ ສປ ຈີນ. ການເປີດເສັ້ນທາງ ການບິນດັ່ງກ່າວ, ຈະອຳນວຍ ຄວາມສະດວກ ດ້ານການໄປ ມາຫາສູ່ກັນ ທາງອາກາດ ຂອງປະຊາຊົນ ເມືອງຄາສື ແລະ ເມືອງປົກຄອງ ຕົນເອງ ທາສຄົວກັນຕັດຈິ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments