ວິທະຍຸສາກົນ ແຫ່ງ ສປ ຈີນ, ທ່ານ ຫວງຊີ່ຫລຽນ ເອກອັກຄະລັດຖະທູດຈີນ ປະຈຳຟິລິບປິນ ໄດ້ພົບປະກັບ ທ່ານ ລູກາສ ເບີຊາມິນ, ເລຂາທິການທຳນຽບປະທານາທິບໍດີ, ປະທານຄະນະກຳມະການຕໍ່ຕ້ານອາດຊະຍາກຳທີ່ມີການຈັດຕັ້ງຂອງປະທານາທິບໍດີຟິລິບປິນ. ໂດຍທັງສອງຝ່າຍໄດ້ທົບທວນຄືນຄວາມຄືບໜ້າທີ່ພາກສ່ວນປະຕິບັດກົດໝາຍຂອງທັງສອງປະເທດ ຮ່ວມກັນປາບປາມອາດຊະຍາກຳຢ່າງໜັກໜ່ວງໃນໄລຍະຜ່ານມາ ເຊັ່ນ: ການລັກພາຕົວ ແລະ ສັງຫານ, ການສໍ້ໂກງຊັບທາງໂທລະຄົມ ແລະ ການຄ້າມະນຸດ ເປັນຕົ້ນໂດຍສະເພາະແມ່ນຄວາມຄືບໜ້າໃນການປາບປາມອາດຊະຍາກຳທີ່ກ່ຽວຂ້ອງກັບ ການພະນັນຢູ່ນອກຝັ່ງທະເລຟິລິບປິນ, ໄດ້ແລກປ່ຽນຄວາມເຫັນ ກ່ຽວກັບຄະດີສຳຄັນ, ໂດຍທັງສອງຝ່າຍເຫັນດີເປັນເອກະພາບກັນວ່າ: ຈະເພີ່ມທະວີການຮ່ວມມືດ້ານການປະຕິບັດກົດໝາຍ ລະຫວ່າງ ສປ ຈີນ-ຟິລິບປິນ, ຮ່ວມກັນປາບປາມ ອາດຊະຍາກຳຂ້າມຊາດ ເພື່ອປົກປັກຮັກສາຄວາມປອດໄພດ້ານຊີວິດ ແລະ ຊັບສິນຂອງປະຊາຊົນສອງຊາດ ໃຫ້ດີກວ່າເກົ່າ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
