ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການວິທະຍາສາດສຸຂະພາບ ແລະ ອົງການກາແດງ ຂອງສິງກະໂປ ໄດ້ເລີ່ມຕົ້ນແຜນການຮ່ວມມື ສົ່ງເສີມຄົນຮຸ່ນໃໝ່ບໍລິຈາກເລືອດ ເພື່ອຕອບສະ ໜອງຄວາມຕ້ອງການເລືອດທີ່ເພີ່ມຂຶ້ນ.
ລາຍງານລະບຸວ່າ: ແຜນການຮ່ວມມື “ແຮງບັນດານໃຈຂອງຊາວໜຸ່ມ (YouthInspired)” ເນັ້ນສົ່ງເສີມຄົນຮຸ່ນໃໝ່ ທີ່ມີອາຍຸ 16-25 ປີ ຈຳນວນ 500 ຄົນ ເຂົ້າຮ່ວມກິດຈະກຳບໍລິຈາກເລືອດ ແລະ ຊັກຊວນໝູ່ເພື່ອນຮ່ວມບໍລິຈາກເລືອດຕະຫຼອດ 5 ປີຂ້າງໜ້າ. ອົງການກາແດງສິງກະໂປ ຄາດວ່າຈະເພີ່ມກຸ່ມຜູ້ບໍລິຈາກເລືອດໄວໜຸ່ມ ຈາກ 15% ມາເປັນ 25% ພາຍໃນປີ 2030.
