ໃນວາລະການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ໃນວັນທີ 2 ກໍລະກົດ 2024 ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມຄະນະປະທານສະພາແຫ່ງຊາດ, ບັນດາລັດຖະມົນຕີ ແລະ ສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆເຂົ້າຮ່ວມ.
ກອງປະຊຸມໄດ້ຮັບຮອງເອົາການແຕ່ງຕັ້ງ ທ່ານນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ ຮັບໜ້າທີ່ເປັນຮັກສາການຜູ້ວ່າການທະນາຄານແຫ່ງ ສປປ ລາວ ແທນທ່ານ ບຸນເຫຼືອ ສິນໄຊວໍຣະວົງ ຜູ້ວ່າການທະນາຄານແຫ່ງ ສປປ ລາວ ຜູ້ເກົ່າໄປຮັບໜ້າທີ່ເປັນເຈົ້າແຂວງຫຼວງພະບາງ.
