Saturday, July 13, 2024
Homeຂ່າວໜ້າໜຶ່ງເຈົ້າໜ້າທີ່ອາວຸໂສອາຊຽນບວກສາມ ວ່າດ້ວຍການຕ້ານອາຊະຍາກໍາຂ້າມຊາດ ຫາລືຫຼາຍບັນຫາໃນກອງປະຊຸມ ຄັ້ງທີ 21

ເຈົ້າໜ້າທີ່ອາວຸໂສອາຊຽນບວກສາມ ວ່າດ້ວຍການຕ້ານອາຊະຍາກໍາຂ້າມຊາດ ຫາລືຫຼາຍບັນຫາໃນກອງປະຊຸມ ຄັ້ງທີ 21

ກອງປະຊຸມປຶກສາຫາລືເຈົ້າໜ້າທີ່ອາວຸໂສອາຊຽນບວກສາມ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 21 ໄດ້ຈັດຂຶ້ນໃນວັນທີ 27 ມິຖຸນາ 2024, ພາຍໃຕ້ການເປັນປະທານຂອງ ທ່ານ ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ, ຫົວໜ້າເຈົ້າໜ້າທີ່ອາວຸໂສ ສປປ ລາວ, ມີຫົວໜ້າເຈົ້າໜ້າທີ່ອາວຸໂສປະເທດບວກສາມ ສປ ຈີນ, ຢີ່ປຸ່ນ ແລະ ສ ເກົາຫຼີ, ປະເທດສະມາຊິກອາຊຽນ ແລະ ຕີມໍເລສເຕ ຮັບຜິດຊອບວຽກງານຕ້ານອາຊະຍາກໍາ, ຮອງເລຂາທິການໃຫຍ່ອາຊຽນດ້ານການເມືອງ ແລະ ຄວາມໝັ້ນຄົງ ເຂົ້າຮ່ວມ.

ທ່ານ ພົຕ ສຸລິນະ ແກ້ວປະເສີດ ໄດ້ກ່າວວ່: ອາຊຽນ ແລະ ປະເທດບວກສາມ ໄດ້ມີສາຍພົວພັນຮ່ວມມືອັນດີເປັນເວລາຍາວນານ ມີການຮ່ວມມືໃນຫຼາຍຂົງເຂດ ບໍ່ວ່າຈະເປັນທາງດ້ານເສດ ຖະກິດ, ວັດທະນະທໍາ-ສັງຄົມ ແລະ ຄວາມໝັ້ນຄົງ ລວມທັງການຮ່ວມມືໃນການຕ້ານອາຊະຍາກໍາຂ້າມຊາດ ປະກອບສ່ວນຮັບປະກັນຄວາມສະຫງົບປອດໄພ ໃນພາກພື້ນ ແລະ ສາກົນ; ເຊິ່ງກອງປະຊຸມໃນຄັ້ງນີ້ ໄດ້ປຶກສາຫາລືໃນຫຼາຍຫົວຂໍ້ທີ່ສຳຄັນ ເປັນຕົ້ນແມ່ນ ການຈັດຕັ້ງປະຕິບັດແຜນວຽກງານຮ່ວມມືລະຫວ່າງອາຊຽນ ແລະ ປະເທດບວກສາມ (ໄລຍະປີ 2023-2027) ກ່ຽວກັບອົງປະກອບທີ່ພົວພັນເຖິງການຕ້ານອາຊະຍາກໍາຂ້າມຊາດ, ການຈັດຕັ້ງປະຕິບັດແຜນວຽກກອງປະຊຸມເຈົ້າໜ້າທີ່ອາວຸ ໂສອາຊຽນບວກສາມ ວ່າດ້ວຍການຕ້ານອາຊະຍາກາຂ້າມຊາດ (ໄລຍະປີ 2024-2027) ລວມທັງບັນຫາອື່ນໆທີ່ກ່ຽວຂ້ອງ. ນອກຈາກນີ້, ໃນກອງປະຊຸມຍັງໄດ້ປຶກສາຫາລື ກ່ຽວກັບການເປັນປະເທດປະສານງານ ແລະ ປະທານຮ່ວມຂອງປະເທດບວກສາມ.

ຜົນຂອງກອງປະຊຸມປຶກສາຫາລືຄັ້ງນີ້ ຈະກາຍເປັນພື້ນຖານອັນສໍາຄັນ ໃນການສືບຕໍ່ເສີມຂະຫຍາຍການຮ່ວມມື ລະຫວ່າງປະເທດບວກສາມ ແລະ ອາຊຽນ ເພື່ອຕ້ານອາຊະຍາກາຂ້າມຊາດໃນຕໍ່ໜ້າ ປະກອບສ່ວນໃນການຮັກສາຄວາມສະຫງົບປອດໄພ, ສ້າງເງື່ອນໄຂອໍານວຍຄວາມສະດວກໃຫ້ແກ່ ການພັດທະນາເສດຖະກິດ-ສັງຄົມ ຢູ່ບັນດາປະເທດໃນພາກພື້ນ ແລະ ໃນໂລກ.

ຂ່າວ: ກົມສື່ມວນຊົນ ປກສ

ພາບ: ຄຳໂຖ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments