Saturday, July 13, 2024
Homeຂ່າວຕ່າງປະເທດສສ ຫວຽດນາມ-ກຳປູເຈຍ ສືບຕໍ່ຮັກສາ-ເພີ່ມພູນຄູນສ້າງ-ພັດທະນາການພົວພັນຂຶ້ນສູ່ລະດັບສູງໃໝ່

ສສ ຫວຽດນາມ-ກຳປູເຈຍ ສືບຕໍ່ຮັກສາ-ເພີ່ມພູນຄູນສ້າງ-ພັດທະນາການພົວພັນຂຶ້ນສູ່ລະດັບສູງໃໝ່

ວິທະຍຸກະຈາຍສຽງແຫ່ງຊາດຫວຽດນາມ ວັນທີ 24 ມິຖຸນາ ເນື່ອງໃນໂອກາດສະເຫລີມສະຫລອງ 57 ປີ ແຫ່ງວັນສ້າງຕັ້ງ ການພົວພັນທາງການທູດຫວຽດນາມ – ກຳປູເຈຍ (24/06/1967 – 24/06/2024). ດ້ວຍຈຸດທີ່ຄ້າຍຄືກັນຫລາຍຢ່າງ, ໃນຕະຫລອດ 57 ປີຜ່ານມາ, ສສ ຫວຽດນາມ ແລະ ກຳປູເຈຍ ຍາມໃດກໍ່ສະໜິດຕິດພັນ, ແບ່ງປັນ, ຊ່ວຍເຫລືອເຊິ່ງກັນ ແລະ ກັນໃນພາລະກິດແຫ່ງການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດ ເປັນເອກະພາບໃນເມື່ອກອນກໍ່ຄືໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດໃນປັດຈຸບັນ. ການນຳພັກ-ລັດ ຫວຽດນາມ ແລະ ກຳປູເຈຍ ໄດ້ກຳນົດການພົວພັນທາງດ້ານການເມືອງ – ການຕ່າງປະເທດສວມບົດບາດຫລັກແຫລ່ງ, ກຳນົດທິດສັງລວມໃຫ້ແກ່ການພົວພັນສອງປະເທດ. ໂດຍທັງສອງຝ່າຍ ໄດ້ຮັກສາ ແລະ ເສີມຂະຫຍາຍບັນດາກົນໄກ ຮ່ວມມືຢ່າງມີປະສິດທິຜົນຜ່ານການເພີ່ມທະວີ ການແລກປ່ຽນບັນດາການຢ້ຽມຢາມ, ການພົບປະລະຫວ່າງການນຳຂັ້ນສູງ ແລະ ທຸກຂັ້ນ, ເຊັ່ນເອກະສານຮ່ວມມືຫລາຍສະບັບເພື່ອເປັນພື້ນຖານໃຫ້ແກ່ການພັດທະນາການຮ່ວມມືຢ່າງຮອບດ້ານ ລະຫວ່າງ ສອງປະເທດ. ທີ່ບັນດາເວທີປາໄສ ສາກົນ, ພາກພື້ນ ແລະ ອະນຸພາກພື້ນ, ສອງປະເທດ ໄດ້ສົມທົບກັນຢ່າງແໜ້ນແຟ້ນ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ ແລະ ໂລກ, ພ້ອມທັງປະກອບສ່ວນຍົກສູງອິດທິພົນຊື່ສຽງ ແລະ ທີ່ຕັ້ງບົດບາດຂອງແຕ່ລະປະເທດບົນເວທີສາກົນ.

(ບັນນາທິການຂ່າວ: ຕ່າງປະເທດ)

ຮຽບຮຽງ ຂ່າວໂດຍ: ສະໄຫວ ລາດປາກດີ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments