ໃນວັນທີ 20 ພຶດສະພາ ຜ່ານມາ ທີ່ ໂຮງແຮມຄຣາວພລາຊາ ນະຄອນຫຼວງວຽງຈັນ, ກົມອາຊຽນ ໄດ້ເຮັດວຽກຮ່ວມກັບ Temasek Foundation ແລະ ກອງເລຂາອາຊຽນ ໄດ້ຈັດກອງປະຊຸມສໍາມະນາ ASEAN Prize Symposium 2024 ຊຶ່ງເປັນໜຶ່ງໃນວຽກງານຂອງການໂຄສະນາເຜີຍແຜ່, ຍົກສູງບົດບາດ ແລະ ຄວາມສຳຄັນຂອງ ASEAN Prize ກ່ອນການຄັດເລືອກຜູ້ໄດ້ຮັບລາງວັນໃນທີ 31 ພຶດສະພາ 2024 ນີ້.
![](https://medialaos.net/wp-content/uploads/2024/05/444753732_974699597999190_2789185364016015134_n.jpg)
ກອງປະຊຸມສຳມະນາໃນຄັ້ງນີ້ ໄດ້ມີຜູ້ຕາງໜ້າສະຖານເອກອັກຄະລັດຖະທູດ ຈາກປະເທດສະມາຊິກອາຊຽນ ປະຈໍາ ສປປ ລາວ, ກອງເລຂາອາຊຽນ ແລະ ບັນດາກະຊວງ ແລະ ຂະແໜງການທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ. ນອກນີ້, ກອງປະຊຸມສຳມະນາ ຍັງໄດ້ຮວບຮວມເອົາບັນດາຜູ້ທີ່ໄດ້ຮັບລາງວັນອາຊຽນ ໃນປີຜ່ານມາຕັ້ງແຕ່ປີ 2021-2023 ເພື່ອແລກປ່ຽນປະສົບການ ແລະ ສ້າງແຮງບັນດານໃຈໃຫ້ແກ່ຜູ້ສະໝັກເຂົ້າຮ່ວມເເຂ່ງຂັນຮັບລາງວັນ ASEAN Prize ປະຈໍາປີ 2024.
ຂ່າວ: ກົມການຂ່າວ, ກະຊວງການຕ່າງປະເທດ