ສະພາບອາກາດປະຈໍາວັນທີ 07 ເມສາ 2024, ເວລາ 19:00 ໂມງ. ຄວາມກົດດັນຕໍ່າຂອງອາກາດຮ້ອນ ຍັງປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ- ຕາເວັນຕົກສ່ຽງໃຕ້ພັດປົກຄຸມ.
ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ຢູ່ໃນແຕ່ລະພາກ, ພ້ອມຈະມີໝອກແຫ້ງປົກຫຸ້ມໃນຕອນກາງເວັນ ແລະ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະຄ່ອຍ ຫາ ປານກາງ ພ້ອມຈະມີ ລົມພັດແຮງຢູ່ບາງທ້ອງຖິ້ນ.
