ຈາກກໍລະນີລົດບັນທຸກເສຍຫຼັກປີ້ນ ເຮັດໃຫ້ສານເຄມີໄຫຼລົງຫ້ວຍ ຢູ່ຂົວບ້ານພູຊ້າງຄຳ ນະຄອນຫຼວງພະບາງ ແຂວງຫຼວງພະບາງ ໃນວັນທີ 03 ເມສາ 2024 ເວລາປະມານ 15:30 ໂມງ. ຕອນນີ້ແມ່ນປາຢູ່ຕາມນ້ຳຫ້ວຍເລີ່ມຕາຍ ແລະຟູຂຶ້ນຕາມໜ້ານ້ຳມີປະຊາຊົນຈຳນວນໜຶ່ງທີ່ບໍຮູ້ໄດ້ໄປເກັບເອົາ.
![](https://medialaos.net/wp-content/uploads/2024/04/434565450_943441594451766_8097954532104209734_n.jpg)
![](https://medialaos.net/wp-content/uploads/2024/04/435410539_943345111128081_6503607564878528995_n.jpg)
ຕໍ່ເຫດການຄັ້ງນີ້ເຈົ້າໜ້າທີ່ໄດ້ແຈ້ງມາຍັງປະຊາຊົນເຂດດັ່ງກ່າວ ໂດຍສະເພາະນັບແຕ່ບ້ານຫາດຫ່ຽນລົງມາແມ່ນຫ້າມປະຊາຊົນບໍ່ໃຫ້ລົງນ້ຳເປັນອັນຂາດ ເພາະສານເຄມີຈະເຮັດໃຫ້ຕີນມືເປື່ອຍໄດ້, ເຊັ່ນດຽວກັນກັບປາທີ່ຕາຍກໍ່ຫ້າມເກັບມາບໍລິດໂພກ ທັງປາ ແລະນ້ຳແມ່ນຍັງປົນເປື້ອນສານເຄມີ ດັ່ງນັ້ນ, ຜູ້ຢູ່ລຽບຕາມສາຍນ້ຳຄານຂໍໃຫ້ບອກຕໍ່ໆເພື່ອຄວາມປອດໄພຂອງທຸກຄົນ.