Sunday, May 19, 2024
Homeຂ່າວໜ້າໜຶ່ງກົມໃຫຍ່ການເມືອງກອງທັບ ປິດບັ້ນອົບຮົມການເມືອງ, ຫັດແອບການທະຫານ ແລະ ຍິງລູກປືນແທ້ ປະຈຳປີ 2023

ກົມໃຫຍ່ການເມືອງກອງທັບ ປິດບັ້ນອົບຮົມການເມືອງ, ຫັດແອບການທະຫານ ແລະ ຍິງລູກປືນແທ້ ປະຈຳປີ 2023

ໃນວັນທີນີ້ 13 ມີນາ 2024, ກົມໃຫຍ່ການເມືອງກອງທັບ ໄດ້ປິດບັ້ນອົບຮົມການເມືອງ, ຫັດແອບການທະຫານ ແລະ ຍິງລູກປືນແທ້ ປະຈຳປີ 2023, ໂດຍການເຂົ້າຮ່ວມເປັນປະທານຂອງສະຫາຍ ພົນຈັດຕະວາ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ຫ້ອງການ,ກົມກອງ, ແລະ ພະນັກງານ, ນັກຮົບທົ່ວກົມໃຫຍ່ການເມືອງກອງທັບເຂົ້າຮ່ວມ.

ສະຫາຍ ພັນໂທ ສຸກສົມບັດ ລັດຖະຈັກ ຮອງຫົວໜ້າຫ້ອງການບໍລິຫານ ກົມໃຫຍ່ການເມືອງກອງທັບ ໄດ້ຜ່ານບົດສະຫຼຸບການຈັດຕັ້ງຝຶກອົບຮົມການເມືອງ, ຫັດແອບການທະຫານ ແລະ ຍິງລູກປືນແທ້ ປະຈຳປີ 2023 ເຊິ່ງໄດ້ເປີດການອົບຮົມແຕ່ວັນທີ 25 ມັງກອນ – 16 ກຸມພາ 2024, ຜ່ານການອົບຮົມຫັດແອບສາມາດຕີລາຄາຜົນໄດ້ຮັບພາກທິດສະດີສາມາດປະຕິບັດໄດ້: 81%, ພາກລະບຽບແບບແຜນ ໄດ້ : 91% ແລະ ການຈັດຕັ້ງປະຕິບັດຍິງລູກປືນແທ້ AK ( ອາກາ ) ສາມາດຄັດເລືອກປະເພດເກັ່ງ ໄດ້: 189 ສະຫາຍ ເທົ່າກັບ 19%, ປະເພດດີ ໄດ້: 300 ສະຫາຍ ເທົ່າກັບ 29%, ໄດ້ຄາດໝາຍ : 537 ສະຫາຍ ເທົ່າກັບ 52%, ການຍິງປືນສັ້ນ K59 ຂັ້ນນາຍພັນ ຂຶ້ນໄປສາມາດຄັດເລືອກປະເພດເກັ່ງ ໄດ້: 35 ສະຫາຍເທົ່າກັບ 8%, ປະເພດດີ ໄດ້: 191 ສະຫາຍເທົ່າກັບ 38%, ໄດ້ຄາດໝາຍ : 280 ສະຫາຍເທົ່າກັບ 54%.

ໂອກາດນີ້, ພົນຈັດຕະວາ ໄພວັນ ຈັນທະພົມມາ ໄດ້ມີຄຳເຫັນໂອ້ລົມ, ພ້ອມທັງເນັ້ນໃຫ້ສືບຕໍ່ສ້າງແຜນການຈັດຕັ້ງອົບຮົມການເມືອງ, ຫັດແອບການທະຫານ ແລະ ວິຊາສະເພາະ ເຕັກນິກຕ່າງໆ ເຮັດເປັນປະຈຳ, ຕໍ່ເນື່ອງ, ເຮັດແບບມີວິທະຍາສາດ ແລະ ມີຈຸດສຸມ ເພື່ອໃຫ້ການອົບຮົມມີຄຸນນະພາບ, ສືບຕໍ່ເອົາໃຈໃສ່ວຽກງານປັບປຸງກໍ່ສ້າງກົມກອງມີຄວາມເຂັ້ມແຂງ ແລະ ຈັດຕັ້ງປະຕິບັດ 7 ລະບອບ 18 ວຽກ ຂອງກອງທັບວາງອອກໃຫ້ຕໍ່ເນື່ອງເຂັ້ມງວດ ເພື່ອສ້າງກົມກອງໃຫ້ກາຍເປັນກົມກອງທີ່ມີແບບແຜນທັນສະໄໝເທື່ອລະກ້າວ.

ໂດຍ: ບິກໄຊ ສົມພູ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments