ຟາບຣິຊິໂອ ໂຣມາໂນ່ ນັກຂ່າວບານເຕະຊື່ດັງ ລາຍງານວ່າ ໄຮດຸກ ສະປລິດ ສະໂມສອນບານເຕະແຫ່ງກຣົວຊີ ເຊັນສັນຍາກັບ ນິໂຄລ່າ ຄາລິນິຊ ກອງໜ້າຊາວກຣົວຊີ ອະດີດກອງໜ້າຂອງ ແບລັກເບີນ ໂຣເວີ, ຟິອໍເຣນຕິນາ, ເອຊີ ມິລານ ກັບມາຮ່ວມທີມເດີມອີກຄັ້ງ. ຄວາມໜ້າສົນໃຈຢູ່ທີ່ມີລາຍງານວ່າ ຄາລິນິຊ ເຊັນສັນຍາຫຼິ້ນໃຫ້ກັບທີມເກົ່າຂອງເຂົາເປັນເວລາ 5 ເດືອນດ້ວຍກັນ ແລະ ໄດ້ຮັບຄ່າຈ້າງພຽງແຕ່ 1 ເອີໂຣເທົ່ານັ້ນ !
ທ່ານ ມິນດໍກາສ ນິໂຄລິຊິອຸສ ປະທານດ້ານເຕັກນິກຂອງ ໄຮດຸກ ສະປລິດ ບອກວ່າ ” ນີ້ຄືຂໍ້ຕົກລົງທີ່ງ່າຍທີ່ສຸດໃນໄລຍະ 3 ປີທີ່ຂ້ອຍເຮັດວຽກກັບ ໄຮດຸກ ແມ່ນແລ້ວ, ຄ່າເມື່ອຍ 1 ເອີໂຣ ສໍາລັບ ຄາລິນິຊ ສໍາລັບການກັບຄືນສູ່ຄວາມຮັກທີ່ແທ້ຈິງຂອງເຂົາອີກເທື່ອໜຶ່ງ.”
” ຄາລິນິຊ ມີເປົ້າໝາຍພຽງຢ່າງດຽວຄື ເພື່ອນໍາພາ ໄຮດຸກ ຄວ້າແຊັມ ແລະ ກາຍເປັນແຊັມລີກ ກຣົວຊີ ໃຫ້ໄດ້ ຫຼັງຈາກທີ່ຫ່າງຫາຍໄປດົນນານເຖິງ 19 ປີ “
ສໍາລັບ ໄຮດຸກ ສະປລິດ ປັດຈຸບັນຍັງຄອງອັນດັບໜຶ່ງໃນລີກກຣົວຊີ ມີ 41 ຄະແນນ ເຊິ່ງເດືອນພະຈິກທີ່ຜ່ານມາ ນິໂຄລ່າ ຄາລິນິຊ ໄດ້ລົມກັບຄະນະບໍລິຫານງານຂອງ ໄຮດຸກ ສະປລິດ ແລະ ລົງຝຶກຊ້ອມກັບທີມເພື່ອເອີ້ນຄວາມສົມບູນ ກ່ອນທີ່ຈັບບິກເຊັນສັນຍາ 5 ເດືອນເພື່ອຫຼິ້ນກັບທີມງານຈົນຈົບລະດູການ.
