ຄຣິສເຕຍໂນ ໂຣນັນໂດ ດາວເຕະຕົວເກັ່ງຂອງ ອັນ ນາສເຊີ ແຊງຂຶ້ນນໍາດາວຍິງສູງສຸດຂອງປີ 2023 ຫຼັງຈາກຍິງເພີ່ມ 2 ປະຕູໃນນັດຫຼ້າສຸດ.
ຫຼັງຈາກ ອັນ ເນສເຊີ ບຸກເອົາຊະນະ ອັນ ອິຕີຮັດ ແຊ້ມເກົ່າໃນເວທີ ຊາອຸດີ ໂປຣລີກ ໄປໄດ້ 5-2 ນັດໃຫຍ່ຂອງລີກສູງສຸດ ຊາອຸດີ ອາຣະເບຍ ເມື່ອວັນອັງຄານທີ 26 ທັນວາທີ່ຜ່ານມານີ້
ແລະເກມດັ່ງກ່າວ ດາວດັງຂອງທີມໄປຢາມຢ່າງ ຄຣິສເຕຍໂນ ໂຣນັນໂດ ມາຍິງ 2 ປະຕູຈາກຈຸດໂທດ ເພີ່ມສະຖິຕິການຍິງປະຕູໃນຮອບປີ 2023 ເປັນ 53 ປະຕູ.
ແລະ 53 ປະຕູທີ່ເຮັດໄດ້ ກໍເປັນສະຖິຕິໃໝ່ຂອງນັກເຕະທີ່ສາມາດຍິງປະຕູໄດ້ຫຼາຍທີ່ສຸດໃນປະຕິທິນປີ 2023 ແຊງໜ້າ ເອີລິ່ງ ຮາລັນ ແລະ ຄີລີຢັນ ເອັມບັບເປ ທີ່ຍິງໄປຄົນລະ 52 ປະຕູ ຂຶ້ນເປັນດາວຍິງສູງສຸດຂອງປີນີ້ຮຽບຮ້ອຍ.
ເຊິ່ງທັງ ແຮຣີ່ ເຄນ ຂອງ ບາເຢິນ ມິວນິກ ກັບ ເອັມບັບເປ ຂອງ PSG ບໍ່ສາມາດຍິງປະຕູແຊງ ໂຣນັນໂດ ໃນປີນີ້ໄດ້ແລ້ວ ເພາະວ່າ ບຸນເດສລີກາ ກັບ ລີກ 1 ຈະກັບມາເຕະອີກຄັ້ງໃນປີໜ້າ.
ແຕ່ຍັງມີ ເອີລິ່ງ ເບຣົາ ຮາລັນ ທີ່ກໍາລັງເອີ້ນຫາຄວາມສົມບູນຢູ່ ຫາກໄດ້ລົງສະໜາມໃນເກມພຣີເມຍລີກ ພົບກັບ ເອຟເວີຕັນ ໃນວັນພຸດທີ 27 ທັນວານີ້ ກໍອາດຈະຍິງປະຕູເພີ່ມຈົນມາທຽບເທົ່າກັນ ຫຼື ແຊງໄດ້ ໂດຍກອງໜ້າຊາວນອກແວ ຍິງໄປ 50 ປະຕູໃນປີ 2023.
ສະຖິຕິດາວຍິງສູງສຸດຂອງປີ 2023
• 53 ປະຕູ: ຄຣິສເຕຍໂນ ໂຣນັນໂດ
• 52 ປະຕູ: ແຮຣີ່ ເຄນ
• 52 ປະຕູ: ຄີລີຢັນ ເອັມບັບເປ
• 50 ປະຕູ: ເອີລິ່ງ ເບຣົາ ຮາລັນ
