ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດພິທີປະກາດພະນັກງານການນຳຂັ້ນສູງ ຮັບນະໂຍບາຍອຸດໜູນບຳນານ ຈຳນວນ 1 ທ່ານ ໃນວັນທີ 24 ພະຈິກ 2024 ທີ່ກະຊວງ ຖວທ ໂດຍການເຂົ້າຮ່ວມຂອງ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ ພ້ອມດ້ວຍບັນດາຫົວໜ້າກົມ-ຮອງກົມ ແລະ ພະນັກງານ-ລັດຖະກອນພາຍໃນກະຊວງ ຖວທ ເຂົ້າຮ່ວມ.
![](https://medialaos.net/wp-content/uploads/2023/11/406029833_774189161402059_1110523361614667161_n.jpg)
ໃນພິທີ ຄະນະຈັດຕັ້ງໄດ້ຜ່ານຂໍ້ຕົກລົງຂອງຄະນະເລຂາທິການສູນກາງພັກ ວ່າດ້ວຍການອະນຸມັດໃຫ້ພະນັກ ງານການນໍາຂັ້ນສູງອອກພັກການ-ຮັບອຸດໜູນບຳນານ, ອີງຕາມມະຕິຂອງກົມການເມືອງສູນກາງພັກ ສະບັບເລກທີ 031/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ; ອີງຕາມ ກົດໝາຍວ່າດ້ວຍພະນັກງານ-ລັດຖະກອນ ສະບັບເລກທີ 74/ສພຊ, ລົງວັນທີ 18 ທັນວາ 2015 ມາດຕາ 70 ໂດຍອະນຸມັດໃຫ້ ທ່ານ ອຸ່ນທວງ ຂາວພັນ ກຳມະການປະຈຳພັກ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ອອກພັກການ-ຮັບອຸດໜູນບຳນານ.
ໂອກາດດັ່ງກ່າວ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ ໄດ້ມີຄຳເຫັນໂອ້ລົມໂດຍໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ຜູ້ທີ່ໄດ້ຮັບນະໂຍບາຍອຸດໜູນບຳນານໃນຄັ້ງນີ້ ເຊິ່ງຕະຫລອດໄລ ຍະຜ່ານມາໄດ້ທຸ່ມເທເຫື່ອແຮງ, ສະຕິປັນຍາ, ຜ່ານຜ່າຄວາມຫຍຸ້ງຍາກຢູ່ໃນຂົງເຂດວຽກງານຂອງຕົນຮັບຜິດ ຊອບ ກໍຄື ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະແມ່ນການປະຕິບັດຕາມສິດ ແລະ ໜ້າທີ່ ທີ່ການຈັດຕັ້ງມອບໝາຍໃຫ້ໃນແຕ່ລະໄລຍ ະຈົນສຳເລັດຜົນຢ່າງຈົບງາມ ຊຶ່ງເປັນການປະກອບສ່ວນອັນສຳຄັນເຂົ້າໃນຜົນງານລວມຂອງກະຊວງ ຖວທ.
ຂ່າວ: ວຽງສະຫວັນ
ພາບ: ອ່າຍຄຳ