ໃນຕອນເຊົ້າຂອງ ວັນທີ 21 ພະຈິກ 2023 ເຊິ່ງເປັນວັນສຸດທ້າຍຂອງການດຳເນີນ ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX, ບັນດາສະມາຊິກສະພາແຫ່ງຊາດ(ສສຊ) ໄດ້ສືບຕໍ່ພິຈາລະນາປະກອບຄຳເຫັນ ແລະ ຮັບຮອງ ເອົາບັນດາມະຕິສຳຄັນກອງປະຊຸມສະພາແຫ່ງຊາດ ຈຳນວນ 10 ສະບັບ.
ເຊິ່ງກວມຂົງເຂດວຽກງານການພັດທະນາເສດຖະກິດ-ສັງຄົມ, ແຜນງົບປະມານ ແລະ ເງິນຕາຂອງລັດຖະບານ, ວາລະແຫ່ງຊາດ ເພື່ອແກ້ໄຂບັນຫາຢາເສບຕິດ, ແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ, ການປະຕິບັດກົດໝາຍ ຂົງເຂດປ້ອງກັນຊາດ-ປ້ອງກັນຄວາມສະຫງົບ, ລວມທັງວງກງານຂອງອົງການກວດກາແຫ່ງລັດ, ອົງການກວດສອບແຫ່ງລັດ, ສານປະຊາຊົນສູງສຸດ, ໄອຍະການປະຊາຊົນສູງສຸດ ແລະ ການເຄື່ອນໄຫວວຽກງານຂອງສະພາແຫ່ງຊາດ.
