ໄຂ້ຫັວດໃຫຍ່ມັກລະບາດໃນໄລຍະລະດູຝົນ ແລະ ລະດູໜາວ ພະຍາດຊະນິດນີ້ ເກີດຈາກເຊື້ອໄຂ້ຫັວດໃຫຍ່ (Influenza Virus) ເຊິ່ງຈຳແນກໄດ້ 3 ຊະນິດທີ່ພົບຫຼາຍທີ່ສຸດ ໄດ້ແກ່: ຊະນິດ A (H1N1) (H3N2) ຮອງລົງມາຄື: ຊະນິດ B ແລະ C ເພື່ອປ້ອງກັນພະຍາດດັ່ງກ່າວແນະນຳໃຫ້ນຳໃຊ້ສະໝຸນໄພພື້ນບ້ານດັ່ງກ່າວນີ້:
- ຟ້າທະລາຍໂຈນ: ອອກລິດຕ້ານໄວຣັສໄຂ້ຫັວດໃຫຍ່ ດ້ວຍ 4 ກົນໄກຄື:
- ປ້ອງກັນບໍ່ໃຫ້ໄວຣັສເຂົ້າຈຸລັງ.
- ຫຼຸດການແບ່ງໂຕໄວຣັສພາຍໃນຈຸລັງ.
- ເພີ່ມພູມຄຸ້ມກັນຊ່ວຍຕໍ່ສູ້ກັບໄວຣັສ.
- ຫຼຸດການອັກເສບຢູ່ປອດຈາກການຕິດເຊື້ອໄວຣັສ.
- ຜັກທຽມ: ການກິນຜັກທຽມສົດສາມາດປ້ອງກັນ ແລະ ຫຼຸດໄລຍະເວລາການເປັນຫັວດລົງໄດ້.
- ຫົວສີໄຄ: ສະໄໝກ່ອນມີການໃຊ້ຫົວສີໄຄປົວໄຂ້ຫັວດ, ແກ້ໄຂ້, ແກ້ເຈັບຫົວ-ເຈັບທ້ອງທີ່ມີລິດເພີ່ມພູມຄຸ້ມກັນໄດ້ດີມີລິດຕ້ານທານອະນຸມູນອິດສະລະມີລິດຕ້ານອັກເສບ ແລະ ຕ້ານໄວຣັສໄຂ້ຫັວດ.
- ຂີງ: ຂີງມີສານຫຼາຍຊະນິດທີ່ມີລິດຂ້າເຊື້ອໄວຣັສໄຂ້ຫັວດໃຫຍ່ ເຊີ່ງມີການທົດລອງແລ້ວພົບວ່າ: ການຕົ້ມນໍ້າຂີງໃຫ້ຟົດ 30 ນາທີ ແລ້ວນຳມາດື່ມຈະເຮັດໃຫ້ເມັດເລືອດຊະນິດແມັກໂຄຼເຟຈ ສາມາດຈັບກິນເຊື້ອໄວຣັສໄຂ້ຫັວດໃຫຍ່ໄດ້ດີຂື້ນ.
- ຫົວຜັກບົ່ວ: ຫົວຜັກບົ່ວໃຫຍ່ ຫຼື ຫົວຜັກບົ່ວນ້ອຍ ມີສານ Quercetin ມີລິດຕ້ານໄວຣັສໄຂ້ຫັວດໃຫຍ່, ລິດເພີ່ມພູມຄຸ້ມກັນ, ລິດຕ້ານອາການແພ້ ແລະ ຊ່ວຍຂະຫຍາຍຫຼອດລົມ.
- ຜັກກະເພົາ: ເຊີ່ງເປັນຜັກ ແລະ ສະໝຸນໄພພື້ນບ້ານ ນິຍົມໃຊ້ເປັນຢາດີຫັວດ, ດີໄອ, ແກ້ອືດຍື່ງທ້ອງດີເຈັບແອວ, ຂັບລົມ, ມີລິດເສີມພູມຄຸ້ມກັນ, ຕ້ານອັກເສບ, ຕ້ານອະນຸມູນອິດສະລະ.
