ວິທະຍຸກະຈາຍສຽງຫວຽດນາມລາຍງານວ່າ: ຕາມການຄົ້ນຄວ້າຂອງບັນດານັກວິທະຍາສາດ ມະຫາວິທະຍາໄລ ຈູງແຊນ (ກວາງຊີ, ຈີນ) ປະກາດເມື່ອບໍ່ດົນມານີ້, ໃນວາລະສານທາງດ້ານວິທະຍາສາດ (Advances in Atmospheric Scieances), ຄາດຄະເນວ່າ ປີນີ້ອາດຈະແມ່ນປີຮ້ອນທີ່ສຸດໃນປະຫວັດສາດ. ຂ່າວລະບຸວ່າ: ການຄົ້ນຄວ້າ ໄດ້ຊີ້ໃຫ້ເຫັນວ່າ: ອຸນຫະພູມໜ້ານ້ຳທະເລສະເລ່ຍທົ່ວໂລກ (SSTs) ເພີ່ມຂຶ້ນລະດັບສູງ ໃນເດືອນເມສາ, ໃນຂະນະທີ່ອຸນຫະພູມຢູ່ເຂດດິນຕໍ່ແຜ່ນໃນໂລກ ສະເລ່ຍແລ້ວເພີ່ມຂຶ້ນລະດັບສູງອັນດັບທີ 2 ໃນ ເດືອນມິຖຸນາ ຜ່ານມາ. ຕໍ່ສະພາບການດັ່ງກ່າວເຮັດໃຫ້ເດືອນພຶດສະພາ ກາຍເປັນເດືອນຮ້ອນທີ່ສຸດໃນປະຫວັດສາດກ່ຽວກັບອຸນຫະພູມໃນຊັ້ນນອກຂອງໜ່ວຍໂລກ. ການຄົ້ນຄວ້າດັ່ງກ່າວ, ຊີ້ໃຫ້ເຫັນວ່າອຸນຫະພູມທົ່ວໂລກສືບຕໍ່ເພີ່ມຂຶ້ນໃນຊຸມເດືອນທ້າຍປີ 2023, ຍ້ອນບັນດາປັດໄຈຄື ແອວນີໂຢ ແລະ ໄພໄໝ້ແຜ່ລາມອອກສູ່ວົງກວ້າງ. ການຄົ້ນຄວ້າຍັງຊີ້ໃຫ້ເຫັນວ່າ ຍ້ອນວິວັດການທົ່ວໂລກອຸ່ນຂຶ້ນຢ່າງໄວວາ, ອາດສາມາດເກີດບັນດາປະກົດການທີ່ຮ້າຍແຮງດ້ານດິນຟ້າອາກາດ ແລະ ໄພພິບັດຈະເພີ່ມຂຶ້ນ ແລະ ໂລກຕ້ອງມີການກະທຳໂດຍດ່ວນ.
