ຕາມຂ່າວຈາກວິທະຍຸສາກົນຫວຽດນາມ, ເມື່ອບໍ່ດົນມານີ້ກອງປະຊຸມສຸດຍອດອາຊີຕາເວັນອອກ (EAS) ຢູ່ນະຄອນຫລວງ ຈາກາຕາ ຂອງອິນໂດເນເຊຍ, ທ່ານ ນາງ Kamala Harris, ຮອງປະທານາ ທິບໍດີ ສ.ອາເມລິກາ ໄດ້ຢັ້ງຢືນຄືນໃໝ່ຄຳໝັ້ນສັນຍາ ຂອງ ສ.ອາເມລິກາ ຕໍ່ມະຫາສະໝຸດ ອິນເດຍ-ປາຊີຟິກ ແລະ ບົດບາດ ເປັນໃຈກາງຂອງ ອາຊຽນ, ພ້ອມທັງ ເນັ້ນໜັກເຖິງ ການສະໜັບ ສະໜູນຂອງ ສ.ອາເມລິກາ ກັບວິໄສທັດ ອາຊຽນ ກ່ຽວກັບ ມະຫາສະໝຸດ ອິນເດຍ-ປາຊີຟິກ. ໂດຍໃຫ້ຄຳໝັ້ນ ສັນຍາ ສົມທົບກັບ ບັນດາຄູ່ຮ່ວມມື ແລະ ສຳພັນທະມິດ ເພື່ອແນໃສ່ ຮັບປະກັນ ພາກພື້ນ ມະຫາສະໝຸດ ອິນເດຍ-ປາຊີຟິກ ທີ່ເສລີ, ເປີດກວ້າງ, ວັດທະນາ ຖາວອນ, ສ້າງຄວາມ ເຂັ້ມແຂງ ແລະ ມີຄວາມ ປອດໄພ. ນອກນີ້ ຍັງໄດ້ຍົກອອກ ຢ່າງຈະແຈ້ງ ການພົວພັນ ດ້ານເສດ ຖະກິດ ຢ່າງເລິກເຊິ່ງ ກວ້າງຂວາງ ລະຫວ່າງ ສ.ອາເມລິກາ ແລະ ອາຊີ ຕາເວັນອອກ ສ່ຽງໃຕ້, ພ້ອມທັງ ຫວນຄືນ ບັນດາຄວາມມານະ ພະຍາຍາມ ເພື່ອແນໃສ່ ຊຸກຍູ້ ຄວາມວັດທະນາ ຖາວອນ ຜ່ານການລົງທຶນ ເຂົ້າໃນ ພື້ນຖານ ໂຄງລ່າງ ທີ່ມີຄຸນນະພາບສູງ ແລະ ໝັ້ນຄົງ, ຍູ້ໄວ ການຫັນປ່ຽນ ພະລັງງານ ແລະ ພັດທະນາ ບັນດາລະບົບ ສະໜອງ ຄວາມປອດໄພ ແລະ ຄວາມໝັ້ນຄົງ. ທ່ານ ນາງ Kamala Harris ຍັງໄດ້ເນັ້ນໜັກເຖິງ ຄວາມ ສຳຄັນ ຂອງຄວາມເປັນລະບຽບ ຮຽບຮ້ອຍ ສາກົນ ໂອຍອີງຕາມ ກົດໝາຍ ໃນການຮັກສາ ສັນຕິພາບ ແລະ ຄວາມວັດທະນາ ຖາວອນ ຢູ່ມະຫາສະໝຸດ ອິນເດຍ-ປາຊີຟິກ. ພ້ອມທັງ ເນັ້ນຕື່ມວ່າ ຄວາມເສລີ ໃນການເດີນເຮືອ ແລະ ການບິນ ຕ້ອງໄດ້ຮັບ ຄວາມເຄົາລົບ ຢູ່ທະເລ ຮວາຕຸງ ແລະ ທະເລ ຕາເວັນອອກ ແລະ ທຸກການ ຂັດແຍ້ງກັນ ຕ້ອງໄດ້ຮັບ ການແກ້ໄຂ ໂດຍສັນຕິວິທີ ແລະ ຕາມກົດໝາຍ ສາກົນ ລວມມີ ສົນທິສັນຍາ ສປຊ ກ່ຽວກັບ ກົດໝາຍ ວ່າດ້ວຍ ທະເລປີ 1982.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
