ພະຍາກອນອາກາດ ປະຈໍາວັນທີ 09 ກັນຍາ 2023 ຮ່ອງຄວາມກົດດັນອາກາດຕໍ່າໄດ້ພາດຜ່ານຢູ່ເຂດພາກເໜືອຂອງປະເທດລາວ, ສົມທົບກັບ ລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນ, ຍັງຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍໃນແຕ່ລະພາກ ແລະ ຕົກປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ້ນ.
ສໍາລັບລະດັບນໍ້າ ຢູ່ສະຖານີແກ້ງກອກ (ນໍ້າເຊຈໍາພອນ) ຍັງຈະສືບຕໍ່ ສູງກວ່າເຂດອັນຕະລາຍ ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອໍານາດການປົກຄອງທຸກພາກສ່ວນ ທີ່ອາໄສຢູ່ລຽບຕາມແມ່ນໍ້າ ເຊຈໍາພອນ ເມືອງຈໍາພອນ ແຂວງສະຫວັນນະເຂດ ຈົ່ງມີສະຕິລະວັງຕໍ່ ສະພາບຝົນ ທີ່ອາດຈະເຮັດໃຫ້ເກີດມີດິນເຈື່ອນ ຫລືນໍ້າຖ້ວມ ທີ່ອາດຈະ ເກີດຂຶ້ນ, ພ້ອມຂໍໃຫ້ຕດຕາມການລາຍງານຂ່າວ ພະຍາກອນອາກາດ ແລະ ລະດັບນໍ້າ ຈາກກົມອຸຕຸນຍົມ ແລະ ອຸທົກກະສາດ ຢ່າງຕໍ່ເນື່ອງ.
ສໍາລັບນະຄອນຫລວງວຽງຈັນ ອາກາດຮ້ອນ ຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ພ້ອມມີລົມ ພັດແຮງເປັນບາງໂອກາດຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງ ຝົນເທົ່າກັບ 60%. ອຸນຫະພູມໃນລະຫວ່າງ 25-34 ອົງສາ.
