ຕາມຂ່າວຈາກວິທະຍຸສາກົນ ແຫ່ງ ສປ ຈີນ,ວັນທີ 31 ສິງຫານີ້, ທ່ານ ວ່າງເວີນປິ່ນ ໂຄສົກກະຊວງການຕ່າງປະເທດຈີນ ກ່າວວ່າ: ສປ ຈີນ ຈະຈັດເວທີປືກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 3 ຢູ່ນະຄອນຫລວງ ປັກກິ່ງ ໃນເດືອນຕຸລາປີນີ້. ນີ້ບໍ່ພຽງແຕ່ແມ່ນກິດຈະກຳຍິ່ງໃຫຍ່ທີ່ສຸດເພື່ອສະເຫລີມສະຫລອງການສະເໜີຂໍ້ລິເລິ່ມ “ໜຶ່ງແລວ ໜຶ່ງເສັ້ນທາງ” ຄົບຮອບ 10 ປີເທົ່ານັ້ນ, ແຕ່ຍັງແມ່ນເວທີສຳຄັນທີ່ຝ່າຍຕ່າງໆ ພ້ອມກັນຫາລື ກ່ຽວກັບການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຢ່າງມີຄຸນນະພາບດີ.ສຳລັບ ຂໍ້ລິເລິ່ມ “ໜຶ່ງແລວ ໜຶ່ງເສັ້ນທາງ” ຖືເອົາການເຊື່ອມຈອດກັນ ເປັນ ສາຍຫລັກ, ມີຈຸດປະສົງສະໜອງເວທີໃໝ່ຕໍ່ການຮ່ວມມືດ້ານເສດຖະກິດສາກົນ , ສະໜອງພະລັງງານໃໝ່ຕໍ່ການພັດທະນາ ຂອງປະເທດຕ່າງໆ ແລະ ການເຕີບໂຕດ້ານເສດຖະກິດໃນທົ່ວໂລກ. ເວລາ 10 ປີຜ່ານມານີ້ “ໜຶ່ງແລວ ໜຶ່ງເສັ້ນທາງ” ໄດ້ກາຍເປັນຜະລິດຕະພັນສາທາລະນະທົ່ວໂລກ ແລະ ເວທີການຮ່ວມມືສາກົນ ທີ່ໄດ້ຮັບຄວາມນິຍົມຫລາຍຂຶ້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
