ຕາມຂ່າວຈາກພະນົມເປັນ ເມື່ອບໍ່ດົນມານີ້ ທ່ານ ພົອ ຮຸນ ມາເນັດ, ນາຍົກລັດຖະມົນຕີຄົນໃໝ່ ຂອງກຳປູເຈຍ ໃຫ້ຄຳໝັ້ນ ສັນຍາວ່າ: ຈະເຮັດໃຫ້ກຳປູເຈຍ ກາຍເປັນປະເທດ ທີ່ມີລາຍໄດ້ສູງຂຶ້ນ ພາຍໃນປີ 2050 ສົ່ງເສີມຄວາມໝັ້ນຄົງ ດ້ານອາຫານ ແລະ ການເຂົ້າເຖິງບໍລິການສາທາລະນະສຸກ ໃຫ້ຫລາຍຂຶ້ນ.
ສຳລັບ ທະນາຄານໂລກ ກຳນົດ ບັນດາປະເທດ ທີ່ມີລາຍໄດ້ສູງ ເປັນປະເທດ ທີ່ມີລາຍໄດ້ລວມແຫ່ງຊາດ ຫລື GNI ຕໍ່ຫົວຄົນຈາກ 13.846 ໂດລາສະຫະລັດ, ໃນຂະນະທີ່ GNI ຕໍ່ຫົວຄົນ ຂອງກຳປູເຈຍ ໃນປີ 2022 ຢູ່ລະດັບ 1.700 ໂດລາສະຫະລັດ ກາຍເປັນຄວາມທ້າທາຍອັນໃໝ່ໃນການນຳພາ ປະເທດ ກ້າວໄປສູ່ການບັນລຸເປົ້າໝາຍທີ່ກຳນົດໄວ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
