ຕາມຂ່າວຈາກ ວິທະຍຸສາກົນ ຫວຽດນາມ,ວັນທີ 18 ສິງຫານີ້, ທ່ານ Joe Biden,ປະທາ ນາທິບໍດີ ສ.ອາເມລິກາ ພ້ອມກັບ ຄູ່ຮ່ວມ ຕຳແໜ່ງ ສ.ເກົາຫລີ ທ່ານ Yoon Suk-yeol ແລະ ທ່ານ Fumio Kishida, ນາຍົກ ລັດຖະມົນຕີ ຍີ່ປຸ່ນ ໄດ້ເຂົ້າຮ່ວມ ກອງປະຊຸມ ສຸດຍອດ ສາມຝ່າຍ ຢູ່ຄ້າຍ David, ລັດ Maryland ຂອງ ສ.ອາເມລິກາ. ໂດຍເນື້ອໃນ ຂອງກອງປະຊຸມ ແມ່ນຍົກລະດົມ ຄວາມສຳພັນ ການຮ່ວມມື ລະຫວ່າງ ສ.ອາເມລິກາ-ຍີ່ປຸ່ນ-ສ.ເກົາຫລີ ຂຶ້ນສູ່ ລະດັບສູງໃໝ່.ຫລັງຈາກ ທ່ານ Antony Blinken, ລັດຖະມົນຕີ ກະຊວງ ການຕ່າງປະເທດ ສ.ອາເມລິກາ ໄດ້ຖະແຫລງວ່າ: ບັນດາ ການນຳ ທັງສາມປະເທດ ໄດ້ປຶກສາ ຫາລື ບັນດາ ບັນຫາ ໃຫ້ບຸລິມະສິດ ເຊິ່ງທັງສາມ ປະເທດ ລ້ວນແຕ່ ມີຄວາມສົນໃຈຄື ຄວາມໝັ້ນຄົງ ດ້ານເສດຖະກິດ, ເຕັກໂນໂລຊີ ຫາກໍ່ພົ້ນ ເດັ່ນຂຶ້ນ, ການໜູນຊ່ວຍ ດ້ານມະນຸດ ສະທຳ ແລະ ບັນດາ ໂຄງການ ພັດທະນາ ລວມທັງ ການຮ່ວມມື ດ້ານອື່ນໆອີກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
