ອ້າງຕາມຂ່າວ ລອນດອນ ຂອງ ອັງກິດ, ວັນທີ 31 ກໍລະກົດ, ລັດຖະບານ ອັງກິດ ເປີດເຜີຍວ່າ: ຈະອອກໃບອະນຸຍາດ ລົງທຶນ ດ້ານນໍ້າມັນ ແລະ ແກັສ ໃນທະເລເໜືອ ຫລາຍຮ້ອຍໃບ ເພື່ອໃຫ້ມີ ສາງສຳຮອງ ດ້ານພະລັງງານ ພ້ອມກັນນັ້ນ ກໍຍັງຮັກສາ ເປົ້າໝາຍການປ່ອຍ ກາກບອນ ເປັນສູນ ພາຍໃນປີ 2050. ໂດຍສຳນັກ ງານ ນາຍົກລັດຖະມົນຕີ ຣິຊີ ຊູນັດ ຂອງ ອັງກິດ ຖະແຫລງວ່າ: ການລົງທຶນ ໃນທະເລເໜືອ ຈະສືບຕໍ່ໄປ ເພື່ອໃຫ້ເກີດ ໂຄງການໃໝ່ ປົກປ້ອງການຈ້າງງານ, ຫລຸດການ ປ່ອຍແກັສ ແລະ ສົ່ງເສີມ ການເປັນອິດສະລະ ດ້ານພະລັງງານ ຂອງອັງກິດ.
ໂດຍ ລັດຖະບານ ຈະໃຊ້ຂະບວນການ ຍື່ນຂໍລົງທຶນ ທີ່ ດັດປັບ ໄດ້ຫລາຍຂຶ້ນ ແຕ່ຍັງຕ້ອງຜ່ານ ບົດທົດສອບ ຄວາມເຂົ້າກັນໄດ້ ກັບ ສະພາບ ພູມອາກາດ, ເລື່ອງເປົ້າໝາຍ ຫລຸດການປ່ອຍ ກາກບອນ ,ລັດຖະບານ ພວມດຳເນີນ ມາດຕະການ ເພື່ອຖ່ວງດຶງ ການຜະລິດ ນໍ້າມັນ ແລະ ແກັສ ພາຍໃນປະເທດ ທີ່ ຫລຸດລົງ ຢ່າງວ່ອງໄວ, ຊຶ່ງຈະເຮັດໃຫ້ ອັງກິດ ມີແຫລ່ງພະລັງງານ ໃນປະເທດ , ຫລຸດການເພິ່ງພາ ຈາກລັດ ທີ່ເປັນ ປໍລະປັກ ແລະ ອື່ນໆ.
