ສື່ຕ່າງປະເທດລາຍງານວ່າ ຣີວ ມາດຣິດ ກຽມຍື່ນຂໍ້ສະເໜີເພື່ອຂໍຊື້ຕົວ ຄີລີີຢັນ ເອັມບັບເປ ມາຮ່ວມທີມໃນລະດູຮ້ອນນີ້ທັນທີ ຫຼັງພ່າຍແພ້ຍ່ອຍຍັບໃຫ້ກັບຄູ່ແຂ່ງ ບາເຊໂລນ່າ.
ຈາກເກມອຸ່ນເຄື່ອງທີ່ ຣີວ ມາດຣິດ ເສຍໃຫ້ ບາເຊໂລນາ 0-3 ໃນນັດມິດຕະພາບທີ່ສະຫະລັດອາເມຣິກາ ເມື່ອມໍ່ໆມານີ້.
ເຮັດໃຫ້ມີລາຍງານວ່າ ທ່ານ ຟລໍເຣນຕີໂນ່ ເປເຣຊ ປະທານໃຫຍ່ຂອງ ຣິວ ມາດຣິດ ມີຄວາມບໍ່ພໍໃຈຫຼາຍ ເພາະໃນໄລຍະປີ ຫຼັງ ທີມງານ ຣິວ ມາດຣິດ ຕົກເປັນຮອງ ບາເຊໂລນາ ມາໂດຍຕະຫຼອດ ແຖມຍັງເສຍແຊ້ມລາລີກາ ແອັດສະປາຍ ໄປໃຫ້ກັບ ບາເຊໂລນ່າ ໄປເມື່ອລະດູການທີ່ຜ່ານມາ.
ຫຼ້າສຸດມີການເປີດເຜີຍວ່າ ທ່ານ ຟລໍເຣນຕີໂນ່ ເປເຣຊ ໄດ້ສັ່ງໃຫ້ມີການປ່ຽນແປງແຜນການຂອງທີມໃໝ່ ໂດຍຈະບໍ່ລໍຖ້າການເຊັນໂດຍບໍ່ເສຍຄ່າ ຄິລີຢັນ ເອັມບັບເປ ໃນປີໜ້າແລ້ວ ແລະສັ່ງໃຫ້ທີມເດີນໜ້າຊື້ ເອັມບັບເປ ມາຈາກ ປາຣີ ແຊັງ-ແຊັກແມັງ ໃນໄລຍະພັກຮ້ອນນີ້ທັນທີ.
ທ່ານ ເປເຣຊ ມີຄວາມກັງວົນວ່າ ຫາກ ຣິວ ມາດຣິດ ບໍ່ຊື້ຕົວ ເອັມບັບເປ ຄົງຍາກໃນການແຂ່ງຂັນກັບ ບາເຊໂລນ່າ ໃນລະດູການນີ້ໄດ້ ດັ່ງນັ້ນ ພວກເຂົາຈຶ່ງບໍ່ຢາກຈະລໍຖ້າຈົນເຖິງປີຫນ້າແລ້ວ.
ມີການເປີດເຜີຍວ່າ ຣີວ ມາດຣິດ ພ້ອມທີ່ຈະໃຊ້ເງິນຊື້ ເອັມບັບເປ ເຖິງ 200 ລ້ານເອີໂຣ ແລະ ຈະມອບສັນຍາຍາວໃຫ້ຈົນເຖິງປີ 2029.
