ຂ່າວສານຫວຽດນາມລາຍງານວ່າ: ລາຄານໍ້າມັນໂລກໄດ້ເພີ່ມຂຶ້ນໃນວັນທີ 27 ກໍລະກົດ ຜ່ານມາ, ໂດຍນໍ້າມັນເບຣນ (Brent) ໄດ້ລື່ນກາຍລະດັບ 84 ໂດລາຕໍ່ບາເຣນ ເປັນຄັ້ງທໍາອິດນັບຕັ້ງແຕ່ເດືອນເມສາ 2023.
ຂ່າວລະບຸວ່າ: ລາຄານ້ຳມັນດີດຕົວເພີ່ມຂຶ້ນພາຍຫຼັງອົງການປະເທດສົ່ງອອກນ້ຳມັນ (OPEC) ແລະ ບັນດາຄູ່ຮ່ວມມືທີ່ເອີ້ນວ່າ OPEC+ ໄດ້ຫຼຸດການຜະລິດ. ຮອບວັນທີ 27 ກໍລະກົດນີ້, ລາຄານ້ຳມັນ Brent ເພີ່ມຂຶ້ນ 1,32 ໂດລາ (1,6%) ຂຶ້ນເປັນ 84,35 ໂດລາຕໍ່ບາເຣນ, ໃນຂະນະທີ່ລາຄານ້ຳມັນເວສ ເທັກຊັສ ອິນເທີມີດິເອດ (WTI) ຂອງ ອາເມຣິກາ ເພີ່ມຂຶ້ນ 1,31 ໂດລາ (1,7%) ຂຶ້ນເປັນ 80,09 ໂດລາ/ບາເຣນ.
ບັນດານັກວິເຄາະຄາດຄະເນວ່າ: ຕະຫຼາດນໍ້າມັນແມ່ນຂາດແຄນ ແລະ Brent ອາດຈະເພີ່ມຂຶ້ນເຖິງ 85-90 ໂດລາຕໍ່ບາເຣນ ໃນເດືອນຂ້າງໜ້າ. ຕະຫຼາດມີແນວໂນ້ມຕໍ່ການຄາດຄະເນວ່າ: ບັນດາທະນາຄານກາງ ເຊັ່ນ: ທະນາຄານກາງ ອາເມຣິກາ (Fed) ກຳລັງຈະໂຈະນະໂຍບາຍທີ່ເຂັ້ມງວດດ້ານການເງິນ ແລະ ສິ່ງນີ້ຈະຊ່ວຍເພີ່ມທ່າອ່ຽງການເຕີບໂຕທາງດ້ານເສດຖະກິດທົ່ວໂລກ ແລະ ການເຕີບໂຕທາງດ້ານເສດຖະກິດ ຄວາມຕ້ອງການພະລັງງານ.
