ສຳນັກຂ່າວຊິນຮວາ ຂອງສປ ຈີນ, ໜ່ວຍງານ ປະຊາສຳພັນ ຂອງລັດຖະບານຣັດເຊຍ ປະກາດວ່າ ຣັດເຊຍ ຈະພັດທະນາ ລະບົບແລກປ່ຽນຂໍ້ມູນ ລະຫວ່າງປະເທດ ເພື່ອຮັບມືກັບການເຮັດໃຫ້ລາຍໄດ້ ຜິດກົດໝາຍ ກາຍເປັນຖືກກົດໝາຍ. ຊຶ່ງຣັດເຊຍ ຈະພັດທະນາ ລະບົບດັ່ງກ່າວພາຍໃຕ້ການຮ່ວມມື ກັບກຸ່ມປະເທດ ໃນອາຊີກາງ ແລະ ອາຊີຕາເວັນອອກສຽງໃຕ້, ຕາເວັນອອກກາງ, ອາຟຣິກາ ແລະ ອາເມລິກາລາຕິນ, ຊຶ່ງຈະກາຍເປັນ ໜຶ່ງໃນເຄື່ອງມື ຕໍ່ສູ້ຕ້ານ ການຟອກເງິນ.
ທ່ານ ມິຄາອິລ ມິຊູສຕິນ ນາຍົກລັດຖະມົນຕີ ຣັດເຊຍ ໄດ້ລົງນາມ ໃນຂໍ້ກໍານົດ ກົດກະຕິກາ ເພື່ອຈັດສັນເງິນ 8,5 ລ້ານຣູເບີລ (ສະກຸນເງິນຣັດເຊຍ) ສຳລັບໂຄງການນີ້. ໃນຂະນະທີ່ ຣັດເຊຍ ມີແຜນສ້າງລະບົບເບື້ອງຕົ້ນ ບົນພື້ນຖານ ເຕັກໂນໂລຊີ ຂອງຣັດເຊຍ ໃນປີ 2023-2026 ແລະ ຈະຄວບຄຸມຊ່ອງທາງ ການສື່ສານ ແບບປິດ ກັບປະເທດ ທີ່ເປັນມິດ.
